篤篤車 (已搬遷) 新店位置

我一向都好钟意食车仔面，今次有个元朗朋友介绍左依间俾我，话主打泰国特式汤底，一于去试下。叫左个鳄鱼汤底，可以加麻辣，不过我叫左中辣都唔算辣。菜式我拣左猪皮、大肠、牛肚仲有朋友推介既珍珠元贝。几个𩠌都好入味，特别系猪皮同珍珠元贝，口感好好。依间野有个套餐 ＄67包三个𩠌，另外仲跟个小食、菜同饮品，份量几多。虽然食车仔面食过＄50好似偏贵，但依个set份量都丰富。两个人一齐食share个小食都good enough。我小食叫左个鸡翼，外脆而唔干身，唔错。饮品有薄荷叶青柠梳打，食车仔面有依类饮品，加分。