誠拉麵 (已結業)

最近疫情严重，好耐都冇得去旅行，所以都好挂住日本啲嘢食，唯有就食下日本餐厅，一解思乡之情。今次嚟到呢间「诚拉面」系朋友推介嘅，佢个套餐都几抵食，唔使100蚊就有面、沙律、同手羽，日本餐厅嚟讲，性价比都好高。一入门口，发现装修都几有日本风格，以美食广场嘅餐厅嚟讲，算系超晒班。另外食材方面、见到佢有特别标注用日本嘅鸡蛋，咁就可以食得更加放心啦。一碗拉面嘅灵魂系在于汤底，呢间餐厅嘅汤底非常浓厚，虽然比唔上一啲几百蚊嘅餐厅，但呢个价位嚟讲算系冇得挑剔。面质都食得出系几弹牙，挑选材料方面呢都几用心嘅。另外，佢比起日本好多餐厅都好足料，食完成个套餐饱足感系非常之高，唔会话食完要再去揾其他嘢食咁，总括嚟讲都算几满意。