日常料理 (已結業)

首先要赞，店家好细心，号听日安排座位一坐低，即刻奉上消毒啫喱同消毒湿纸巾。每日老火汤都会唔同，今日系花党参椰子煲鸡，材料十足，火喉够，无味精，抵赞。老火汤配白饭，饮品，特定小食，午餐都系65蚊。正~今日小食，同朋友点左相同老火汤餐，一心以为大家食物相信，点知小食有小惊喜。今日特定小食紫薯粟子可乐饼，炸出黎温热，无油腻感(绝非反炸)，炸粉唔厚够脆身，紫薯香甜(当然唔可以同贵价日本餐厅相比)，夹杂少量粟子粒，令口感无咁单一。而朋友既特定小食反而系黄金蕃薯薯饼，可惜太迟发现无试到。。另外，加点左红蟹肉忌廉可乐饼，质感同味道似沙律，蟹肉味相比较弱，味道虽然都系好食，但真系唔多似蟹肉忌廉饼。饮品名称，店家好挑皮咁改左其他称呼，增加左唔少趣味性。最后要赞，可能饮左汤，加上中央冷气，食到有D热，只系同朋友讲左句，结果，侍应窝心咁静静地打开只窗，令外面风吹入黎降温，抵赞。总括而言，不以政冶立场评分，纯以食物质素，服务，卫生，价格，店家细心及窝心行为，绝对配得上五星评分。