Oggi (已結業)

今日放假约左友人系天后揾食，比我发现左呢间餐厅，于是就入去试下，真系好有惊喜，野食好好味，而家服务员好好礼貌。首先我地叫左个set dinner。入面有个餐包，附带咪牛油，食落好松软，好好味。个餐跟咪个汤，今日系南瓜汤，好香浓既南瓜味系我口腔道打滚，饮完立即好开胃。于是我地选左什菌意大利饭，卖相都好靓，食落好creamy,好浓烈既cream，真系好好味。再黎就系温泉蛋pizza,好有创意，中西合璧，我都系第一次试。果然无令我失望。芝士好厚身。正呀。之后叫左个白酒煮青口，食落啖啖既酒香令我如痴如醉，而且青口好新鲜，份量岩岩好。令外叫多左个蛋白柠檬挞，好浓烈既柠檬食落酸酸甜甜咁，都好易入口，食完真系好满足。个餐跟咪两杯野饮，我地选左冷冻柠檬茶，真系好爽，而且糖水系自己加，可以自由调教甜度。