影片
更多
2022-07-10
319 浏览
一直佐敦番工都无留意到，南京街呢度开咗间泰国菜，今日同几个同事放工行经就黎聚吓脚，因为我哋有六个人，拣咗近门口嘅位置。顺带一提，我几中意佢近门口活动式嘅半窗间隔配高台呢个组合，可以睇到街外情况之余又唔会热，舖内装修都有花点小心思，地方干净。店员服务态度正常，见到两个师傅系烧炉位置，一个泰国姐姐加一个本地人，同附近嘅客人都有讲有笑，但净系识笑无用，因为我系黎食饭，即管试试佢咩水准，虽然我地一行6人，但有一半女士，食量不大，所以我地都系叫串烧为主，毕竟呢间舖主打串烧：等左唔算耐，先黎嘅系烧牛舌心，烟肉蕃茄仔，鸡皮，师傅有解释牛舌边缘位置较硬，而且牛味较淡，所以佢地只会保留较中间位置。的确，牛舌心外层焦香，口感软嫩，牛味香浓，我特登再翻查价钱只系卖22$串，性价比十分高！坊间唔少串烧店都有烧鸡皮，一般食到嘅都系全脆，呢度嘅鸡皮外脆内软，边种正宗我就唔知，但个人比较喜欢外脆内软嘅口感。再黎嘅系烧猪颈肉，同样火侯同时间掌握得几好，有肉汁，烧猪颈肉最忌烧到太老，鞋口，配呢个泰式酱汁令我谂番起早几年去曼谷嘅Sala Daeng街边档食串烧嘅味道！跟住有泰式烧原只鱿鱼，烧茄子，正常。值得讲嘅系泰式烧白
顺带一提，我几中意佢近门口活动式嘅半窗间隔配高台呢个组合，可以睇到街外情况之余又唔会热，舖内装修都有花点小心思，地方干净。
店员服务态度正常，见到两个师傅系烧炉位置，一个泰国姐姐加一个本地人，同附近嘅客人都有讲有笑，但净系识笑无用，因为我系黎食饭，即管试试佢咩水准，虽然我地一行6人，但有一半女士，食量不大，所以我地都系叫串烧为主，毕竟呢间舖主打串烧：
等左唔算耐，先黎嘅系烧牛舌心，烟肉蕃茄仔，鸡皮，师傅有解释牛舌边缘位置较硬，而且牛味较淡，所以佢地只会保留较中间位置。
的确，牛舌心外层焦香，口感软嫩，牛味香浓，我特登再翻查价钱只系卖22$串，性价比十分高！
坊间唔少串烧店都有烧鸡皮，一般食到嘅都系全脆，呢度嘅鸡皮外脆内软，边种正宗我就唔知，但个人比较喜欢外脆内软嘅口感。
再黎嘅系烧猪颈肉，同样火侯同时间掌握得几好，有肉汁，烧猪颈肉最忌烧到太老，鞋口，配呢个泰式酱汁令我谂番起早几年去曼谷嘅Sala Daeng街边档食串烧嘅味道！
跟住有泰式烧原只鱿鱼，烧茄子，正常。
值得讲嘅系泰式烧白鳝，呢个试完真系番唔到转头，超正！鱼皮香脆鱼肉弹牙鲜嫩，仲保留到超多肉汁，可选是今晚最精彩之作，睇到众人反应令到不爱白鳝的同事都试左一口，如果呢个时侯再黎一杯冰冻既泰单就不得了。
另外仲点左一堆海鲜，是日人均消费200，6个人都食得饱，可谓良心小店，今晚最可惜店内似乎未有酒精饮品供应，店员表示正在安排，希望下次黎果阵有机会尽兴！
张贴
