燒肉酒場 (已結業)

约咗朋友叙旧，拣咗依间住于登龙街楼上的烧肉店。最重要想坐得舒服又倾到计。😊装修好日式，唔会太花巧，抽风系统做得足，店员态度亲切殷勤。🌸椰菜丝沙律&围炉蔬菜谂紧点嘢食嘅时候，店员好细心帮我们准备围炉蔬菜、同椰菜沙律，蔬菜新鲜爽口。🌸嘢饮叫左桃味梳打同玄米茶。🌸鳕鱼干作前菜，鳕鱼干呈薄片烧得好香脆，好似食薯片但多左鱼香和鲜味。🌸柚子鸡腿肉份量足，柚子腌制减去了肥腻感多咗份柚子香，而且鸡肉肉质嫩滑。🌸烧肉酒埸豚肉大盛有豚肉肉眼、伊比利亚梅头、西京猪头肉、韩式豚肉片、香葱豚脂肉、盐烧豚肉片。十分丰富，虽然都系豚肉，用多国形式及酱汁出现，做出唔同味道，配搭可见心思。🌸和牛盛盒背蜂、三角、肉眼、牛肩肉，四款也是精选牛肉，肉质新鲜，入口即溶。🌸海之幸盛合帆立贝、墨鱼仔、蟹棒和虎虾，虎虾虽然得一只，但系好大只，爽口弹牙。估唔到烧蟹棒都系第一次，原来都可以做到外脆内软，值得推介。🌸鲷鱼烧以此甜品作结，拣咗绿茶味，店员介绍可以放在炉上烧10至15秒就啱啱好，果然外脆内软，意外地发现绿茶雪糕外仲有红豆馅料，雪糕少少溶，但仍然凝固少少冻，外面暖暖的皮依然香脆，值得－赞。