Y Pasta

食物质素真系大失所望，本身期望值过高，误信KOL推介，点知真系中下水平。- 洋葱汤成$78蚊一啲都唔好饮，剩系得个咸味- 辣肉肠pizza、意粉就中规中矩，个帆立贝煎得几好味嘅- 甜品方面，个多士系全晚最好食嘅，炸得几好，配埋啲榛子酱非常好味- Tiramisu酒味太浓，好似唔系用手指饼，cream同埋蛋糕嘅比例做得唔好，食落去好腻服务态度方面，除咗有一个女侍应讲嘢语气好奇怪，讲嘢好大声喺度数晒啲规矩俾你听咁，不过其他嘅侍应态度都好好。然后啲嘢食等咗劲耐，最耐个份足足等咗50分钟，总共催咗三次先至有嘢食。总括而言，环境系几靓，但系坐得舒唔舒服都要好睇彩数，因为我哋4个人食，但佢哋俾咗面壁思过枱我哋😂四个人对住墙食嘢，不过可能早啲去就会有啲好啲嘅位。但系食物质素真系好普通，完全对唔住呢个价钱，大家真系唔好尽信KOL嘅推介！