kikusan (已結業)

原本要系铜锣湾另一间餐厅食饭，但系无book位 结果就去左附近既kikusan。又估唔到晚上8点左右既时间唔洗排队就入到！虽然地方算大又阔落，但都九成满座。由门口行入去已经觉得好舒服，灯光暗暗地，加上空间好足够，放工去食个饭真系一流，即刻放松哂Order左比较热门既kikusan卷、千层猪扒担担面、豚肉小笼包。另外甜品就叫左雪糕香蕉布甸呢个卷确实唔错，亦都系第一个令我入呢间餐厅既原因！香葱吞拿鱼原本系一个好既组合。但系呢到，发觉呢只葱太抢海胆既味，可能系太多？试下整开d葱食，会觉得岩岩好！呢个千层猪扒面的确可以，不过没想像中好食，正正常常。猪扒好快淋系真。小笼包无影到，十分出色。皮好似自己面皮咁薄，一夹就好易烂但系味道十足，完胜最后叫左呢个甜甜的雪糕香蕉布甸。望落好似凡人咁普通，但系！佢下面其实系个热既香蕉味糕，上面冰冻雪糕，一冷一热真系好好味呀佢有几粒honey comb系面，甜甜苦苦，中和番整体甜度，底番无咩人介绍呢个，记得一试