大丼家 (已結業)

话说我一心谂住早收工, 赶得切6点前到餐厅, 就入去食个tea啦… 5:54pm问店员拎下午茶餐牌店员: 「完左喇!」咁台面就得个午餐餐牌啦, 仲写住6点后饮品正价… 即系我冇下午餐食, 亦都冇跟餐餐饮… fine, 都坐低左, 咪当我部电话个钟快过你间舖个钟啰… 当买一次教训, 下次唔好最后几分钟冲入黎啦… 点知落完单, 睇睇张单既时间, 系17:58, 原来我地冇时差架㖞,都未到6点!我:「唔该, 张单既时间都未到6点架㖞，点解冇餐饮呢?」店员:「系呀, 我地部机57分就转左, 做唔到架, 唔好意思…」我: 「咁你个牌唔写57分? 依家未够钟, 冇tea又冇餐饮… 」店员: 「系呀, 唔好意思呀, 我叫老细转返个牌做57分丫…」老老实实, 你部机set返6点唔得架咩? 黑人问号… 况且我入黎𠮶刻都未到57分已经冇下午茶啦… 同你计𠮶几分钟听落好斤斤计较, 就算我拗赢你都系多杯饮品/平几蚊, 唔会开心好多, 但就系因为𠮶几分钟, 无啦啦令顾客得到被骗既感觉, 又令自己损失个顾客, 你自己谂下值唔值得啰… 公道讲, 其他野都冇问题, 我之前都食过觉得ok至再黎, 点知今次得到呢个奇遇…