千里屋食堂 (已結業)

今日阿B黎接我收工〜谂住难得过海出到嚟，不如行去铜锣湾 食番餐好嘅先番去〜但系可能最近晚市都比较静好多都已经闩左门或者准备闩门，行到我筯歇力疲时就见到哩间餐厅啦。本来见到入面得一两个客人，都担心佢准备闩门，但当位女服务员见到我哋𠮶时，对我地微笑同用手势表示欢迎进入，我即刻松咗一口气〜〜终于揾到嘢食啦！！ 而且日本餐厅，啱晒我同阿B❤️Menu 上推介嘅几乎都系牛 (唔同种类嘅烧牛、牛肉丼、寿喜烧...)，好彩我地都钟意食牛冇乜大问题，如果有唔食牛嘅朋友都有少少其他种类选择，不过就唔系推介。我就拣咗我又钟意食Menu上又特别推荐嘅寿喜烧，阿B就帮大家试吓佢个豚肉丼〜寿喜烧个汤底味道几好，牛肉分开放钟意几时渌都得，唔惊啲牛会老晒，另外仲有一碟菜同乌冬，整体份量刚刚好，啲牛亦好鲜牛味！豚肉丼味道普普通通(唔难食) , 不过份量太少了啲肉好似比人偷食咗咁款，食完都唔饱。可能本身哩间店主攻做牛嘅料理，其他只系一个选择，所以无乜特别，大家如果都想黎哩度试下，记得选择试牛嘅料理呀，唔系真系可能会普通过茶餐厅碟头饭嫁😆😆