蓮香咖啡

营业中

休息中

本身我好钟意食港式茶餐厅，例如; 常餐、西多士之类，所以见难得入长州就做足资料搜集，揾到间陈通记专门吃沙嗲牛。谁不知入到去先发现原来陈通记系逢星期一休息。系呢个预料之外嘅情况下，有位姨姨系我地隔离话佢地舖莲香咖啡都系出名吃沙嗲牛肉，我同朋友无其他想法，所以就决定食莲香。我同朋友本身都唔系好肚饿，所以嗌左沙嗲牛米通、西多士、茶走，一齐share食。补足翻莲香系无餐嘅，都系散嗌。沙嗲牛肉米通沙嗲牛肉比一般茶餐厅的食到嘅无咁咸，入口温和，我同朋友觉得唔错，不过我谂食开浓味嘅，就未必啱食。呢一餐最惊喜嘅系坊间不常见嘅米通，佢嘅外形介乎长通粉同通粉之间，口感烟韧，难以形容😂西多士识食一定系加炼奶😆切开嘅时候先发现原来呢间嘅西多士系无加花生酱做夹层，我谂系间间嘅做法都未必一样，不过我自己就唔习惯呢种，无左花生酱嘅咸香中和，整体食落好甜。茶走茶底无涩味，正常整体嚟讲我都推介呢间莲香，因为始终香港呢种大牌档已经卖小见少，而且仲可以食到个份属于香港人嘅人情味，系好难得。Btw下次再入长州，我都想试埋陈通记