初味 (已搬遷) 新店位置

谂唔到食咩，误打误撞入左间望落环境几好既餐厅。我地计过叫晚市套餐最抵，所以叫左两个餐。套餐有五道菜，第一道有36个月西班牙依比利亚黑毛猪腿片，火箭菜，芝士同北海道刺身带子薄片，三文鱼籽。我本身唔好黑毛猪腿片，但呢个几好咬，几好食。带子刺身新鲜甜美，唔错。第二道菜系南瓜蟹肉浓汤，口感顺滑带点甜味，加埋蟹肉，成件事高级晒。第三道菜有法式焗田螺伴薯蓉同烩香辣安格斯牛丸，两个都好食，冇野好挑剔。第四道菜有法式油鸭脾肉牛肝菌意大利饭配香煎鸭肝同烧西班牙依比利亚黑毛猪柳。前者鸭脾肉几香口，鸭肝入口即溶。后者猪柳口感淋淋地，好咬。第五道系心太软，分别配左士多啤梨同蜜糖脆脆雪糕，好食。最后仲有餐茶，要左柠茶。呢间餐厅出人意料高水准，摆盘好有心机，服务都唔错，只系上菜比较慢。