影片
更多
2020-11-16
167 浏览
衬秋高气爽嘅天气，假日当然系出去松一松，同屋企人出外去咗行山。但要系山顶揾到一啲合家欢嘅地方食野真系唔容易...因为又要照顾大人嘅胃口又要啱小朋友食...今次重临山顶广场，真系估唔到Mina House推出左一个标榜假日亲子缤纷嘅半自助餐，行到攰一攰决定入去试吓享受下！地点：一到左山顶广场前嘅空地就会见佢间餐厅，系广场嘅一楼。环境：话明系亲子自助餐，一入门就见到餐厅好用心咁去布置场地，放左好多鸭仔，同行嘅小朋友真系比佢地吸引住仲问我有无得带只返屋企此外门口墙身就放满唔同种类嘅儿童书籍，另外仲系餐厅有一个户外Mina私人乐园，小朋友可以边食边玩，大人就可以安心享用午餐啦食物质素：餐厅标榜有超过30种环球馔肴，餐厅仲好贴心咁照顾到大人同小朋友嘅口味！除左有沙律吧之外（唔系普通生菜，而系羽衣甘蓝、罗马生菜同火箭菜！）仲有即切烤牛肉 Carving Station同埋意大利巴马臣芝士轮即煮意粉！仲要系原个意大利巴马臣芝士轮再加埋黑松露去点缀，十分惹味！至于烤牛肉，肉味浓郁，再配上特制嘅黑椒汁，令人食过返寻味除此之外，仲有四款海鲜任你选择，有青口、翡翠螺、小龙虾同埋鲜甜虾虾！小龙虾仲加左蒜蓉系面
今次重临山顶广场，真系估唔到Mina House推出左一个标榜假日亲子缤纷嘅半自助餐，行到攰一攰决定入去试吓享受下！
地点：一到左山顶广场前嘅空地就会见佢间餐厅，系广场嘅一楼。
环境：话明系亲子自助餐，一入门就见到餐厅好用心咁去布置场地，放左好多鸭仔，同行嘅小朋友真系比佢地吸引住仲问我有无得带只返屋企
此外门口墙身就放满唔同种类嘅儿童书籍，另外仲系餐厅有一个户外Mina私人乐园，小朋友可以边食边玩，大人就可以安心享用午餐啦
食物质素：餐厅标榜有超过30种环球馔肴，餐厅仲好贴心咁照顾到大人同小朋友嘅口味！除左有沙律吧之外（唔系普通生菜，而系羽衣甘蓝、罗马生菜同火箭菜！）仲有即切烤牛肉 Carving Station同埋意大利巴马臣芝士轮即煮意粉！仲要系原个意大利巴马臣芝士轮再加埋黑松露去点缀，十分惹味！至于烤牛肉，肉味浓郁，再配上特制嘅黑椒汁，令人食过返寻味
除此之外，仲有四款海鲜任你选择，有青口、翡翠螺、小龙虾同埋鲜甜虾虾！小龙虾仲加左蒜蓉系面作调味，更带出小龙虾嘅鲜味！而本人极力推介鲜甜虾虾，鲜甜多汁又大只，唔惊唔觉食下食下就黎左几round😏
小朋友方面都照顾周到，有炸鸡、炸洋葱圈、薯饼呢类香口野之外，仲有小朋友最爱嘅棉花糖！而且仲好好咁可以比你DIY！真系又玩又食！
虽然主餐方面就好满意，但甜品方面就较为逊色左少少，有muffin同埋啫喱糖，仲有留心朱古力泡芙，但如果可以有一两款蛋糕同埋小朋友至爱嘅雪糕就会更加好啦！
饮品又有苹果汁同桃茶任饮，可以慢慢坐低倾计休息！
服务：服务方面，职员都好热心去介绍每款菜式嘅特色，又会主动问小朋友要唔要整棉花糖，好满意保持到一级嘅水准。
价钱：价钱对于某啲人嚟讲，成人价系可能会有啲贵，但小朋友都只系$68，系山顶食个老麦都唔只啦！（即时入会仲可以可以有优惠价添！）
咁高嘅食物水准、优质服务质素、高档环境气氛同埋可以欣赏半山美景，而且又唔洗谂节目就可以有一个比小朋友放电比大朋友放松chill下嘅地方，真系物超所值！
下次有机会一定会再黎！
张贴
