囍囍 (已結業)

好少黎西环，唔知有咩特别好食。误打误撞入左heyhey kitchen。环境企理，每台都有一壶菊花茶，从呢壶茶开始，我就觉得呢间餐厅既食物一定会系有质素。多数普通餐厅既台茶都系浓到不得了既茶，你可能会用黎洗杯而唔系饮。但呢壶菊花茶，清香扑鼻，虽然系热，但系好舒服，解渴。推介惠州梅菜扣肉扣肉肥美，煮到好淋，入口非常香浓，仲有融化既感觉。扣肉唔止有肥腩肉，瘦既部分都好正，唔会鞋口，感受到肥肉同瘦肉既双重口感。肥而不油腻。酱汁味道香浓，加上啖啖肥猪肉，有d邪恶但系好好味，梅菜甜度适中，衬起咸扣肉，相得益彰。呢个小菜，送饭一流。腐乳通菜简单小菜，炒起好香，通菜仍然翠绿，即系唔会超到过老，够锅气！加上红椒黎炒，更惹味。猪颈肉煲仔饭要等20分钟，即煲即刻食，够晒热。多料，若果唔想食白饭，可考虑煲仔饭。