上海美華菜館 (已結業)

本身谂住去哥登堡食扒，泊好车经过呢间上海舖，见好多人，于是改变食上海菜。叫咗清炒虾仁、咸肉小棠菜、狮子头，小笼包，仲有好好味嘅豆浆。一开始饮，觉得少少怪，但之后愈饮愈钟意，两个人前后饮咗5杯😂。清炒虾仁，虽然唔系用河虾仁，但都好出色，除咗雪园正店（现在全关），佢做得最好。狮子头系老公情意结，佢话佢婆婆做得好好食，佢食完第一啖好似好感动，不过都系话婆婆煮得最好。我就觉得系食过之中最好味。咸肉小棠菜系炒，唔似平时𠮶啲用上汤浸煮，都好味。小笼包上枱以为啲皮好厚，但原来好滑，啲汤汁好味，如果真系要挑剔，啲肉有少少「鞋」。之后真系好饱，食唔落8粒嘅高力豆沙，老板好好肯做半份（4粒）比我哋。不过今日无香蕉，我见好多人想要，可能都系招牌菜。我未食到豆沙已经觉得好味😂最后一点，老板娘超好人，好好笑容，又同我哋倾计。临走佢话我知佢好恶，出哂名，我真系唔可以想像😅😅😅