影片
更多
2011-09-11
73 浏览
师傅都有好一段日子冇同好友食家"乜都放入窿"孖住咁去揾食, 最近好友食家"乜都放入窿"就约师傅去旺角间民声食饭, 师傅当然冇问题, 就相约于上星期三晚上一同办完正经事就齐齐去! 由于师傅唔知间食店嘅位置喺边, 全程就跟住好友食家"乜都放入窿"!点知去到附近好友食家"乜都放入窿"先至话间食店唔系叫民声, 而系叫民华, 喺好惊去错嘅情况下决定再行去门口望清楚, 好友食家"乜都放入窿"话系呢一间, 加上好友食家"乜都放入窿"瞄到有卡位, 于是就一个箭步就入左去! 坐底师傅望下个餐牌, 发觉同 “澳牛”食啲野好似, 同好友食家"乜都放入窿"研究左一阵后, 就决定柯打两个滋味常餐!滋味常餐系一个自由配搭套餐, A+B+C, 每款全拣一款, 于是好友食家"乜都放入窿"拣左即烘牛油多士, 火腿炒蛋同埋鲜茄牛肉通粉, 而餐饮就系冻奶茶; 而师傅就拣左即烘牛油多士, 餐肉炒蛋同埋鲜茄猪膶通粉, 餐饮就系热柠茶! 等左一阵就有得食, 师傅第一时间就试下个鲜茄猪膶通粉, 通粉系冇坑冇纹, 合晒师傅胃口, 先试汤底, 闻下去觉得鲜茄唔香, 味道亦唔太浓唔太鲜, 除左颜色似鲜茄外其他都唔似, 未能营造鲜茄带来嘅
点知去到附近好友食家"乜都放入窿"先至话间食店唔系叫民声, 而系叫民华, 喺好惊去错嘅情况下决定再行去门口望清楚, 好友食家"乜都放入窿"话系呢一间, 加上好友食家"乜都放入窿"瞄到有卡位, 于是就一个箭步就入左去! 坐底师傅望下个餐牌, 发觉同 “澳牛”食啲野好似, 同好友食家"乜都放入窿"研究左一阵后, 就决定柯打两个滋味常餐!
滋味常餐系一个自由配搭套餐, A+B+C, 每款全拣一款, 于是好友食家"乜都放入窿"拣左即烘牛油多士, 火腿炒蛋同埋鲜茄牛肉通粉, 而餐饮就系冻奶茶; 而师傅就拣左即烘牛油多士, 餐肉炒蛋同埋鲜茄猪膶通粉, 餐饮就系热柠茶!
等左一阵就有得食, 师傅第一时间就试下个鲜茄猪膶通粉, 通粉系冇坑冇纹, 合晒师傅胃口, 先试汤底, 闻下去觉得鲜茄唔香, 味道亦唔太浓唔太鲜, 除左颜色似鲜茄外其他都唔似, 未能营造鲜茄带来嘅开胃感觉, 所以汤底一般; 主角猪膶份量太少, 放入口发觉猪膶一啲都唔香, 仲有少少韧, 普通! 餐肉炒蛋嘅餐肉就煎得好香好脆, 水准不俗; 至于炒蛋就炒得几滑, 一啲都唔老, 整体都算不错, 唯一可惜系冇左蛋嘅香味, 同“澳牛”相比系一皮啦; 而即烘牛油多士就烘得松脆, 包身软熟, 都唔错; 最后就系热柠檬茶, 讲真大热天时要师傅饮热野真系几难, 但为左试真少少, 所以都冇办法; 柠檬茶嘅茶底就真系失色, 毫无茶味, 唔香唔浓, 绝对唔掂!
至于好友食家"乜都放入窿"同师傅嘅选择都差不多, 唯一系鲜茄牛肉通粉有唔同, 而鲜茄牛肉通粉牛肉师傅亦都试过, 发觉肉身都几松, 可惜味道几咸, 加上份量都好少, 有少少揾笨咁, 唔太抵食; 至于杯冻奶茶, 好友食家"乜都放入窿"就话唔错, 当然师傅冇试到啦, 不过就算试师傅都唔识分别, 皆因师傅唔好奶茶!
总括黎讲食物质素可以, 环境就光猛舒适, 服务有礼, 师傅有意无意亦会用“澳牛”来作比较, 感觉就系喺呢间食店食得似番个人, 唔使比人虐待, 呢一下已经要加分, 而价钱就相宜, 喺旺角三十蚊可以食到咁清淡同健康嘅食物真系唔多! 师傅觉得同好友食家"乜都放入窿"系有少少误打误撞之下黎左呢间食店, 虽然水准唔算太高, 不过笑脸可以一比, 而师傅亦肯定会再黎多次, 皆因好想试下佢个盅头饭!
(P.S.:澳牛 = 澳洲牛奶公司)
张贴
