影片
更多
2019-11-08
72 浏览
谂住带比卡猪去马鞍山FreeZone俾佢爬吓跳吓放吓电，点知去到先知关门大吉，唯有去隔离冒险啦!玩完比卡叫肚饿要食饭，行落楼下见到呢间餐厅，一家三口行入去开餐，地方都大几阔落，又可以摆到BB车，职员好详细讲解晚餐餐牌，最后我地叫咗WM龙虾汁海鲜法国软包同埋鹿儿岛黑豚西冷配柠檬带子青苹丝；先嚟龙虾汤同罗宋汤加两片面包，龙虾汤比起某间大型连锁快餐系优胜嘅，味道较为浓郁，罗宋汤就系我喜爱较酸嘅味道，醒胃!连比卡猪都自己揸住块面包点汤嚟食!WM龙虾汁海鲜法国软包，包身好软熟，配上冻嘅沙律酱、龙虾肉、虾肉，鸡蛋造成嘅馅料，好特别；黑豚西冷系超级满分，估唔到会咁好食，煎得刚刚好，香软而肉汁丰富，带子都俾佢抢哂风头，再估唔到嘅系配上嘅薯蓉，连我呢个唔食薯蓉兼好似有仇一样嘅都赞好食，呢度嘅薯蓉唔系全蓉，有小小薯粒在内，真系非常好食，喜爱薯蓉嘅太座当然赞不绝口啦!薄荷青柠梳打好清新，饮完个人觉得好fresh!呢间餐厅一定会再帮衬，价钱真系算平，好满意!
张贴
