竹八日本料理 (已結業)

到銅鑼灣辦完點私事，响街周圍行就聽熱瓜。近近哋諗住去壽司廣，去到一如預料爆晒棚；再落樓下姊妹店天扶良，結果都係一樣，冇晒符。惟有再搭電梯落嚟呢度撞吓彩數。哈，卒之有得坐嘞....照舊坐sushi bar，雜錦壽司set實冇走雞...先來茶碗蒸。蛋頗滑，水準唔錯...壽司都係嗰D大路款式。料頗新鮮，特別係帶子及hamachi；飯揑得似模似樣，鬆而不過軟，wasabi份量亦剛好...雖則唔係由日本師傅主理，但睇得出功夫唔差...埋尾嚟碗烏冬，質地頗煙韌，不俗唯一要彈係上菜時唔記得俾沙律，要我食晒壽司後再提D waitress佢哋先醒水，美中不足...百一蚊，响CSB食日式壽司set lunch，算係咁la...