國福樓 (已搬遷) 新店位置

同阿仔上完playgroup, 忽然想食中菜，所以就冲咗入去皇悦酒店揾食。记得以前呢个位置系龙皇，同家人经常陪嫲嫲去饮茶。仲想回忆一吓嫲嫲，点知已经变成国福楼。午饭时间去walk-in, 居然俾我哋坐到张四人枱。因为食中菜嘅虫咬我，所以好快叫咗三样点心止痕，好彩阿仔有我遗传都几吃得，而点心份量竟然都唔细，所以叫三样嘢我就觉得啱啱好。食物，环境，服务都好好。始终米芝连一星，唔想俾人摘星呢三点一定要做足。价钱偏贵都无可厚非，因为米芝连关系加上系福临门姊妹酒家，预咗贵。不过值得。因为服务真的很贴心。阿仔食饱就坐唔定，店员见到就拎咗啲儿童文具俾阿仔画，令我可以安心食阿仔食剩嘅嘢。TT走𠮶阵仲成班阿姐岀来送我哋走，同阿仔玩同讲拜拜。人哋唔知肯定以为我喺度食咗几千蚊嘢。但因为价钱真系偏贵，如果唔系就脚的话，想食中菜，我都系去返一般酒楼就算。