彩興麵點 (已結業)

平时我只系一个CD-rom,净系Read Only,但今次真系食完有感而发。因为住喺附近，平时间唔中就会黎买饺饺面/粥食，今晚唔想煮就落黎买外卖。38蚊一个2𩠌饺饺面，今晚想食辣，就嗌45蚊嘅水煮饺饺面，𩠌就拣东坡肉+牛腩。因为本身水煮饺饺面只得1个𩠌，所以最后系收$45+$8(加1𩠌)+$2(外卖)=$55。滂沱大雨下我系门口等咗15分钟，拎咗就直接返屋企食。点知一打开……冇水煮到，谂住加平时会附送嘅辣酱(好似系佢地自制，真心几好食)，点知又冇。𩠌就系牛腩+1块东坡肉皮…系皮only……唔通嗌外卖真系要即场开盖，再揭起上层嘅面碟用筷子去撩几下黎check?然后打去同佢讲返冇水煮到(exactly落单个个，因为门面得1个人，但今日唔系平时𠮶个婶婶。)我用正常陈述式语气去讲返件事，佢就话:冇咩?冇咩?乜冇咩?唉……其实我打去，都只系叫佢下次落单/师傅睇单/门面阖盖小心啲姐。但真心sad嘅唔系落错单，而系宜家啲饺饺面真心觉得已经冇以前咁弹牙，宜家变左只系“张张地”冇乜咬口嘅粗面条，所以呢几个月已经少食咗。而牛腩就算啦，本身已经唔系因为牛腩出名，所以又鞋又痴牙都可以forget about