DW Lounge (已結業)

太子晚上都好难揾位，有日行远左少少发现左呢间有得饮有得食既餐厅就吸引左入去。DW混合汉堡（$138）呢个汉堡真心丰富！有大啡菇、烟肉、double芝士加牛肉汉堡，大啡菇非常juicy同埋真心大只，牛肉汉堡肉味好浓，上面既芝士熔左喺牛肉上面，煎得岩岩好，好满足。仲有沙律菜同粗薯，薯条上面洒上左七味粉，有少少shake shake 薯条既感觉，热辣辣仲要脆，好味。 拿破仑车厘茄秋葵炒意粉（$88）食左个burger咁多肉，所以就叫左个清清地既意粉食下。用秋葵炒意粉都系第一次见！出奇地都几夹，秋葵处理后令到个种滑孱孱既感觉无左，反而好爽口，车厘茄煮到烂，融入左意粉，所以酱汁味道好天然，唔似净茄汁味；意粉仍然系弹牙，唔会过淋，虽然食材简单，但整体处理得好好。椒盐鸡软骨（$68）呢个叫黎送下酒，点知份量咁多，食极都仲有，而且好大粒同入味，送酒几好！总括黎讲，如果想同人食个饭但有野饮都几好，环境唔嘈又坐得都舒服，又唔会赶人走，食物质素比我想像中好，burger大份热辣辣而且好味，值得一试。