The Waffle Club (已結業)

因为公司annual din开席等得太耐既关系，同事提议我地不如落去食个甜品先，呢间鸡蛋仔系同事介绍，就系我地食饭隔离。我地几个女仔只系叫左两个甜品，怕食得太饱，开席个时食唔到野。呢间店好细，入面得一两个员工，我地等左大概10分钟左右先出到甜品。但系外观真系超级靓，系心形鸡蛋仔，唤醒左我久违既少女心。几个港女一齐对住鸡蛋仔不断自拍、影相，几经辛苦终于有得食啦。朱古力心太软($30)呢个系同事之前食过介绍我地食既，卖相唔系话好吸引，但真系非常好食，入面真系食到流心朱古力，朱古力味都算浓，有诚意之作！缤纷派对($45)呢个卖相好吸引，七彩颜色未食睇到都觉得开心。以为有雪糕会令到鸡蛋仔变淋无咁好食，但系食落都几脆口（可能因为个甜品比我地几个女仔秒速食完左），试左蜂蜜蛋糕同雪糕（其他都已经抢唔到啦）感觉都几夹几好味。呢间鸡蛋仔卖相好之余，味道都有保证，可惜试得唔多，有机会下次落开元朗会试多次。