抹茶館 (已搬遷) 新店位置

上完堂同八、九个朋友食饭，去咗荷里活广场，但系发现冇乜餐厅有咁多位连坐，最后我地去左抹茶馆，佢地帮我地拍埋几张枱做长枱。环境到去非常光猛干净，店舖布置走简约日式风格，感觉都几舒服。食物晚餐有二人set$230未加一，跟两份小食、两份主食同一杯饮品。我叫左叉烧黑蒜油拉面，沙律同玄米茶叉烧拉面汤底偏咸，无猪骨味；拉面正常；叉烧得一块，肥瘦分明，味道不过不失；温泉蛋糖心，但无蛋味沙律都几多款菜，好似系吞拿鱼沙律酱，饱肚健康，几抵叫。玄米茶无谂到系一壶咁上，非常讨好，开盖有玄米系入面，味道出，好钟意