那個ㄋㄚˋ ㄍㄜ˙ (埃華街) (已搬遷) 新店位置

好多人都推介呢度嘅排骨便当，加上自己中意食炸物😋当然要试。嚟到餐厅，MENU都唔驶睇，直接点左人气------那个卤排骨便当 $66便当跟左四款小菜：嫩滑嘅蒸蛋、炒椰菜、炒粉丝、玉子。四款中我印象最深刻嘅系炒粉丝，因为入面有D我食唔出系乜嘅香料味，自己就麻麻地呢个味😅。至于最吸睛嘅大大块卤排骨，深酱油色，好似好浓味，但其实食落唔会觉得咸。猪扒厚身，中间位会偏干，而边位连肥膏一齐食口感会好D。自己唔好米饭，如果呢款排骨可以单点唔跟饭就好啦🙊跟餐苿莉绿茶花香偏淡。由于餐厅设有最底消费，所以单点白桃蜜香乌龙$36少少甜，质地似加左D果蓉而变得混浊，淡淡嘅白桃香。餐厅无加一，只收现金。