家全七福 (H Zentre)

营业中

休息中

上次爸爸嘅亲戚话约去家全七福晚饭，最后去唔到，转左饮茶，饮茶食咗好多点心，唔错，价钱都唔贵。之后谂住再去湾仔食饭，因为我朋友话湾仔质素好，不过约唔成，又告吹。有同事约食team dinner ，选嘅地方就系尖沙咀，次次都食唔到晚饭，今次当然要去。今次食set dinner，食嘅系调和五味套餐。前菜拼盘有：上菜鸡子戈渣、皮蛋酱萝卜、蜜汁烧脆鳝，全部都好合我胃口，特别钟意个鸡子戈渣。大大碗嘅鸡茸烩官燕，每口都大大啖官燕，又美味又养颜。劲爱呢度嘅酿焗鲜蟹盖 ，蟹肉好多，而且一啲都唔肥腻。我个人觉得太辣嘅水煮手切牛肉，牛肉应该用上好靓嘅肥牛片，其他配菜又系一流。烧云腿大地榄仁田鸡片，其他人都有食田鸡，我就无食，改左鸽甫，烧云腿味道好突出，榄仁味浓，好少见呢个调味。油鸡枞菌炒四季豆都系有少少辣，但系好惹味，如果送饭一定好适合，鸡枞菌嘅味道真系香到不得了。瑶柱荷叶饭，啲荷叶好新鲜嫩绿，包得好靓，炒饭粒粒分明，同平时求求其其啲荷叶饭无得比。甜品有生磨合桃露，鸳鸯枣甘糕同怀酱芝麻卷，特别喜欢个合桃露。无谂过呢个餐可以咁大阵容，只系呢个价钱就食到咁多，真心推荐。