順酸辣粉

营业中

休息中

估唔到我哋两个，一个钟意重口味，另一个就钟意淡口味。所以今日就带M佬嚟到屯门嘅顺酸辣粉，沙嗲、麻辣、酸辣、卤水，全都都系重口味嘅选择，够香又够浓郁，一于调教佢个胃，享受味道嘅层次，带味蕾登上另一境界。卤水拼盘顾名思义，顺酸辣粉主打当然系酸辣粉，但其实餐厅嘅卤水亦系招牌菜。上枱嘅卤水已经闻到𠮶浸清香味，配料则有猪肠、猪肚同猪颈肉，全部都入晒味，够晒香浓。烧猪颈肉另一款小食就拣咗烧猪颈肉，猪颈肉嘅外皮烧得够香脆，仲带有微微嘅焦香感。肉质爽口，肉汁juicy，点埋另上嘅甜酸酱，食落惹味。麻辣汤红薯粉餐厅嘅酸辣当然系主角，但今日想试试麻辣。汤底除咗麻同辣之外，亦用上大量肉骨熬汤，所以更加香浓，而薯粉当然完美咁索晒汤汁啦！配料嘅牛柏叶口感爽脆、水鱿弹牙、而猪大肠就最索味，真系辣得过瘾。沙嗲浓汤米线怕辣嘅可以拣沙嗲浓汤，而顺酸辣粉嘅沙嗲汤底走星马风，有种喇沙嘅风味。配料有肥牛、卤蛋、猪膶、鸡丝、腩肉、粉量十足。特别推介猪膶，新鲜粉嫩，而且完全无腥味，仲索晒汤呢！