小神燈新派飯館 (已結業)

嚟紧就系农历新年呀，大家拣左餐厅，同屋企人食团年未？上星期就食左一间位于调景岭既新派嘅中菜。我觉得价钱份量都合理，而且餐牌有提供各款海鲜，岩哂同屋企人食饭。小神灯新派饭馆位于彩明商场，附近就系连接都会駅既天桥，都几方便。餐厅以大排档作灵感，唔同角落都有各种旧香港既场景，例如铁皮档口、街市吊灯、电车卡位、电影院灯箱，都几有特色。今次我哋又试咗几款推介海鲜，都几惹味！卖相最靓一定系「爆膏奶油虾」。餐厅用左大虾🦐，用埋奶油落去炒，厚身既虾肉再配埋奶油香气十足，而且虾头都好多虾膏，食落够香浓。「椒盐濑尿虾」食落惹味，拆左出面D壳，濑尿虾虾味都几香浓👍🏻。「沙姜焗海花螺」份量都几多，螺肉入口几弹牙，同沙姜味都几夹，同朋友边倾边笃螺肉就岩哂😃。另外，呢度既炸点做得几出色。我几钟意「怀旧虾多士」，表头虾肉几大旧，而且几弹牙，整体炸得几脆口，食落唔会好油腻。再想邪恶D，就一定要试埋「金沙鬼马百花酿油条」，喺油炸鬼中酿墨鱼滑，外层金黄香脆，食落爽口弹牙。上菜前仲放系咸蛋黄酱中返炒，食落好惹味😌。食完咁多款小菜，当然要叫碟饭填一填肚。「哈哈哈大笑炒饭」米饭粒粒分明，唔太油腻。除左有虾仁，上面仲有好多樱花虾