黑木亭居酒屋 (金馬倫道)

今晚同一个好耐冇见嘅朋友一齐食饭，想揾一个可以慢慢坐，坐得舒适嘅地方慢慢食慢慢倾。Search到原来尖沙咀都有黑木亭。之前喺天后分店食过一次，仲记得佢既石烧厚切和牛好好味。见到尖沙咀店好似地方仲大啲，估呢度应该适合倾偈，咁就带咗朋友嚟食喇。喺地面上一层楼梯就到喇。其实由上楼梯开始已经好有和风，因为佢有壁画又有啲仿红叶树。上到去，果然呢度地方大天后店起码一倍。好多卡座。朋友听到我话喺天后店食过佢嘅石烧厚切和牛好好食，佢又想试，咁梗系叫啦。我哋仲叫咗脆片牛油果虾沙律，玉子烧汁脆活海鳗，炸葱吞拿鱼蓉𩽾𩾌鱼肝卷，蜜桃乌龙红茶同埋绿茶鲜奶脆脆。脆片牛油果虾沙律：牛油果酱再加埋爽口鲜虾配埋薯片，口感丰富。玉子烧汁脆活海鳗：海鳗个皮真系烧到脆脆的，仲热的，正。炸葱吞拿鱼蓉𩽾𩾌鱼肝卷：鱼肝同埋吞拿鱼蓉都系我钟意食嘅嘢，呢个冇可能唔好味。蜜桃乌龙红茶：呢个朋友饮嘅我就唔comment喇。不过见佢有用玫瑰花干，好似好养颜咁。绿茶鲜奶脆脆：绿茶控一定钟意呢个。我哋由7:15坐到10点先走。开心的一个晚上。