影片
更多
2015-05-24
2052 浏览
开OT后，同事叫我去食晚饭，因为已经几夜，又唔想去粉岭食，就选中间转车站九龙塘又一城揾食，食完大家都方便搭车走，而且又一城嘅餐厅都收得夜，平均都2300（出面好多餐厅都收2200），去到拣咗呢间，因为过了晚餐高峰期，唔使等位，坐商场露天位，几开扬，座位阔落，装修简洁唔花巧，大家各自叫几样食！食物好快到！脆炸蟹肉粟米饼配甜酸酱Crispy Corn($88)炸到金黄色，几大件，第一件食几香口，蟹肉味唔出，粟米大粒有咬口，酱汁酸酸甜甜，可以解腻，不过第二件就开始觉得油腻！鲜草莓鹅肝多士Foie Gras toast($98)卖相好靓，垫底多士香脆，又可以索埋鹅肝嘅油，鹅肝唔腥，好软又多油，唔腻，草莓新鲜，生果味又可以化解鹅肝油腻感！好味！香煎牛柳粒配香蒜汁Weeping Tiger with Spicy($88)卖相好精致，好似一粒粒骰仔，垫底青瓜片清爽，牛柳唔会过熟，唔韧，最惊喜系炸过嘅九层塔叶，好香，几呢度小食加咗泰式风味，又唔会抢咗牛柳嘅味道！好味！食饱饭仲想叫个甜品，同事话呢款佢试过好味！所以拣呢样试下！Mango Crepe Cake($68)卖相好靓！芒果酸甜，蛋糕pancak
坐商场露天位，几开扬，座位阔落，装修简洁唔花巧，大家各自叫几样食！食物好快到！
脆炸蟹肉粟米饼配甜酸酱Crispy Corn($88)炸到金黄色，几大件，第一件食几香口，蟹肉味唔出，粟米大粒有咬口，酱汁酸酸甜甜，可以解腻，不过第二件就开始觉得油腻！
鲜草莓鹅肝多士Foie Gras toast($98)卖相好靓，垫底多士香脆，又可以索埋鹅肝嘅油，鹅肝唔腥，好软又多油，唔腻，草莓新鲜，生果味又可以化解鹅肝油腻感！好味！
香煎牛柳粒配香蒜汁Weeping Tiger with Spicy($88)卖相好精致，好似一粒粒骰仔，垫底青瓜片清爽，牛柳唔会过熟，唔韧，最惊喜系炸过嘅九层塔叶，好香，几呢度小食加咗泰式风味，又唔会抢咗牛柳嘅味道！好味！食饱饭仲想叫个甜品，同事话呢款佢试过好味！所以拣呢样试下！
Mango Crepe Cake($68)卖相好靓！芒果酸甜，蛋糕pancake皮好软滑，中间好多芒果肉，一啲都唔悭皮，充满蛋香！好味！今晚主要系揾间餐厅倾偈，呢度环境舒适，店员唔会骚扰到客人，但一举手就会回应，说话有礼，会提醒我哋last order!接近收舖都唔会心急赶客（唔会做啲小动作催人走）
张贴
