咖啡綠茶 (已結業)

系旺角闹市中，去咗咖啡绿茶同Bff 谈心。Bff太肚饿，叫咗招牌之一嘅3.7牛乳拉面，而我因为唔系好肚饿，所以只系点咗焦糖苹果朱古力蛋糕同埋饮品。Bff同我都热爱咖啡，睇饮品menu睇到眼花撩乱，因为选择好多，有一d平时少见嘅口味，包括原本打算叫推荐嘅焦糖燩蛋咖啡同埋蜂蜜咖啡。可惜咖啡机坏咗，所以要转饮品，分别叫咗焙茶拿铁同埋焙茶朱古力。Bff嘅3.7牛乳拉面最先黎，系咁冻嘅天气食过热腾腾嘅拉面好适合。我小试一口都唔错，牛乳汤底浓。之于我嘅焦糖苹果朱古力蛋糕比想像中细，一开始以为系slide，原来系独立一小件。Mouse好滑，外层朱古力系用咁黑朱古力，唔会太甜。所谓嘅苹果嘅中间有少少苹果蓉，其他就冇苹果味。 虽然Bff同我都系叫焙茶饮品，个人就更钟意自己杯焙茶朱古力。冇错，又系朱古力。一开始担心会太甜，但完全冇呢回事。焙茶味比朱古力更出。焙茶拿铁都好饮，奶味相对出过焙茶朱古力，但我更钟意焙茶朱古力整体浓味d。值得一赞系呢度冇赶客走嘅情况，大大加分位。一路食件cake、饮咖啡，一路吹水，都系一个谈心好地方。