酷廚 (已結業)

D2 Place最近多左好多新餐厅，美国菜、西班牙菜、日本菜应有尽有。经过餐厅见到装修风格好适合两个人坐低饮杯咖啡，食住野慢慢倾下心事。香港生活节奏太过紧张，好难揾到一个地方可以静落黎，体验下慢活嘅态度。假如你都认同的话，相信依间餐厅可以提供一个休闲嘅环境比你！Dinner Set嘅前菜系牛角包及餐汤烟三文鱼牛油果蛋沙律汉堡配香脆薯条 ＄125牛油果同沙律蛋依个配搭都好常见，不过好少会用黎做汉堡馅。但依个配搭衬烟三文鱼又唔会好奇怪，反而会令到人觉得好健康，唔会抗拒食油腻嘅汉堡。特别一赞系依度嘅薯条即使放耐左，但都仍然可以保持住香脆嘅口感。美国优质肉眼扒配葡萄酒烧汁跟香脆薯条及时菜 ＄218我点左块五成熟嘅肉眼扒，因为要一大块肉眼扒保持住唔会干身同烟韧嘅口感就一定唔可以太熟。不过厨师控制火候控制得非常好，令到肉汁锁紧系肉眼扒。并且肉眼扒筋同肉嘅部分非常分明，令我放入口个阵唔会将两个部分捞埋一齐，破坏左肉眼扒嘅层次。