影片
更多
2022-10-07
1052 浏览
中完covid同亲戚食三年来第一餐饭，于是特登拣左呢间朋友盛赞嘅贵价中菜，结果发现价格完全无想像中咁恐怖。五个人埋单先～2500，仲系因为我为咗尽孝叫晒鲍鱼花胶，结果长辈牙唔好唔钟意食，早知道要多个羊肚菌煲😭book唔到片皮鸭，但系book到黑毛猪叉烧，咸甜适中最重要入口即化，系即化——一般嘅靓叉烧系软稔肥瘦适中，佢几乎入口一抿就会化开，唔系黑毛猪真系煮唔到咁嘅地步。不过钟唔钟意就睇你会唔会追求叉烧嘅口感，因为脂肪完美融入肉里面，唔会话咩肥瘦相间，重申一次系入口即融呀！作为一个超级讨厌花胶嘅人，为咗tum长辈开心要咗卤水花胶冻，上面黑色小珠本来以为系鱼子酱，结果发现系黑醋海藻珠，不过仲正，中和返卤水嘅味道。只系我真系唔好花胶，觉得佢好得意同味道好夹，食唔出好坏。不过几百蚊一碟就tum到长辈开心，抵啦！鲍鱼外脆内鲜甜，一啲都唔韧，仲要好juicy。我日常觉得只有唔新鲜嘅海鲜先会做重口味，今次发现完全唔系，好味鲍鱼做重口味都咁正，佢个椒盐净系提鲜作用。之不过一只好似2百几？长辈唔系特别钟意，早知道我就叫多两个小菜，仲有我想食好耐嘅羊肚菌，好伤心😭点心中规中矩好味，阿拉斯加蟹肉炒饭超级足料，
book唔到片皮鸭，但系book到黑毛猪叉烧，咸甜适中最重要入口即化，系即化——一般嘅靓叉烧系软稔肥瘦适中，佢几乎入口一抿就会化开，唔系黑毛猪真系煮唔到咁嘅地步。不过钟唔钟意就睇你会唔会追求叉烧嘅口感，因为脂肪完美融入肉里面，唔会话咩肥瘦相间，重申一次系入口即融呀！
作为一个超级讨厌花胶嘅人，为咗tum长辈开心要咗卤水花胶冻，上面黑色小珠本来以为系鱼子酱，结果发现系黑醋海藻珠，不过仲正，中和返卤水嘅味道。只系我真系唔好花胶，觉得佢好得意同味道好夹，食唔出好坏。不过几百蚊一碟就tum到长辈开心，抵啦！
鲍鱼外脆内鲜甜，一啲都唔韧，仲要好juicy。我日常觉得只有唔新鲜嘅海鲜先会做重口味，今次发现完全唔系，好味鲍鱼做重口味都咁正，佢个椒盐净系提鲜作用。之不过一只好似2百几？长辈唔系特别钟意，早知道我就叫多两个小菜，仲有我想食好耐嘅羊肚菌，好伤心😭
点心中规中矩好味，阿拉斯加蟹肉炒饭超级足料，唔系伏。虽然我呢个粗人食唔出有啲咩特别惊艳嘅地方，但性价比高已经好难得。甜品本来想试雪糕龙须糖，但晚市先有，于是随便要咗啲甜品。有个青柠黑芝麻果仁唔知道咩挞，好香，青柠芝士嘅外面系一层黑芝麻慕斯之类嘅嘢，果仁脆饼都超香。我宁愿死都唔会饮杏仁茶，所以唔知道好唔好味😂
最后一定要赞佢地嘅环境同服务态度，每张台隔得好远好舒服，而且每台都有唔知一个侍应等系附近招呼，全部态度超好超周到，习惯左去一般中餐厅叫极唔应，简直吓亲宝宝😂就系行楼梯落去𠮶段路太grand太靓，结果灯光太黑老人家嫌弃，结果经理就叫我地点样搭lift走。
以及，洗手间个水箱好怀旧好靓，差啲想影相，但系都系唔好咁大乡里出城啦😂
呢篇食评会唔会因为太降低餐厅格调唔比过⋯⋯
张贴