影片
更多
2011-06-26
31 浏览
有一晚食完一个很满足的晚餐，朋友想在附近再食埋糖水就perfect，点知完全比这间 "贵花甜糖水" 破坏晒...在糖水店的外面被糖水店职员"辛勤"的介绍下进入店内，店员介绍说他们的“心太软、火焰雪山”很有特色云云...于是一行3人进去。进入店内见到人不多，带路的店员叫我地等等帮我地摆位，一看原来另一个店员在一个很小的2人台的走道加上一张圆凳！心想：唔系挂有咁多位都要咁样对待客人！ 于是我就对店员讲果边有位置我地想坐果边。店员不语，面黑黑走过来放下餐牌后走开。一看餐牌，觉得平均来讲价钱比一般甜品店贵20%-30%！而开头介绍果款“火焰雪山”更要HKD70，心想食人只车咩，唔怪得头先咁落力拉客！于是点了其他。因为甜品店的质素可以相差很大，所以头一次帮衬的甜品店我通常会叫d稳阵d既甜品。甜品来啦，朋友叫了雪糕加鲜奶底，看份量还可以，就是一般雪糕没什么特别；另外朋友叫了芒果西米露，朋友一食就话D料系芒果0者厘开出黎一样，好难食！我就饮左杯咖啡，味道同3合1差唔多，不过加上奶泡而已··· 心想咁简单既甜品都唔掂！坐左一阵，人多左，店员见状走过来看看我地食完未。当时我其中朋友个雪糕重有一半，另外
在糖水店的外面被糖水店职员"辛勤"的介绍下进入店内，店员介绍说他们的“心太软、火焰雪山”很有特色云云...于是一行3人进去。
进入店内见到人不多，带路的店员叫我地等等帮我地摆位，一看原来另一个店员在一个很小的2人台的走道加上一张圆凳！心想：唔系挂有咁多位都要咁样对待客人！ 于是我就对店员讲果边有位置我地想坐果边。店员不语，面黑黑走过来放下餐牌后走开。
一看餐牌，觉得平均来讲价钱比一般甜品店贵20%-30%！而开头介绍果款“火焰雪山”更要HKD70，心想食人只车咩，唔怪得头先咁落力拉客！于是点了其他。因为甜品店的质素可以相差很大，所以头一次帮衬的甜品店我通常会叫d稳阵d既甜品。
甜品来啦，朋友叫了雪糕加鲜奶底，看份量还可以，就是一般雪糕没什么特别；另外朋友叫了芒果西米露，朋友一食就话D料系芒果0者厘开出黎一样，好难食！我就饮左杯咖啡，味道同3合1差唔多，不过加上奶泡而已··· 心想咁简单既甜品都唔掂！
坐左一阵，人多左，店员见状走过来看看我地食完未。当时我其中朋友个雪糕重有一半，另外朋友个芒果西米露食一半已经食唔落（因为难食！）店员就拿拿声收走我个杯再罗起我地张单睇来睇去。唔使你讲我都知你想点啦，当时因为食物质素差我已经唔中意，重做埋d小动作想赶客，我就话：食完ga la埋单啦，于是叫我朋友唔好食啦，走啦....
这间甜品店本来位置唔系太显眼，walk in人未必多；但如果做得有水准，哪怕没人来！但系令人失望的是应做的做唔到，但就想尽办法店里每寸位置都坐满人，想客人快来快走..... 特然令我想起食神周星驰讲：D薯条有咁热气炸咁热气，等d人食得口渴就买杯汽水饮；d冰粒有咁大粒放咁大粒，等d人雪雪声饮完买果杯...
结论系：无下次！
张贴