Lemon Exchange (已結業)

原本谂住开开心心订到会开party.. 所以我地前一日已经打电话去落左order... 叫佢地个晚八点左右送到.. 点知到左个晚大约八点几九点.. 都仲未见有野食送到.. 咁我地咪打电话去问下啰.. 打咗劲耐先有个女仔听电话... 我问佢"我地系边度边度订左八点钟到会架, 但系到而家都仲未到, 咁其实你地几时出门口送黎架?" 个女仔竟然话"其实你地D野食已经整好晒, 不过因为有个人客订左七点半, 早过你地既订餐时间, 所以我地个司机会送左俾七点半既客人先会再送野食去你地度!" 我地咪话"咁D野食咪冻晒啰??" 佢就答"最多俾个九折你哩?!" 咁就收左线(简直无奈)大约到左十点钟左右.. 都仲有未有野食.. 咪又再打过去啰.. 个电话响就系响.. 但系点都无人听.. 仲要飞去留言信箱.. 我地咪系咁打.. 留埋言.. 点知都系无人肯接过电话... 途中因有个好友因为太饿既关系而搞到胃痛.. 最后仲要陪佢去睇医生.. 搞到成零晨两点几先去左老麦买外卖.. 最过份就系直到今时今日都仲未收过佢地个电话 零九年既圣诞节就咁过左啦.. 真系唔况唔"平安夜"