影片
更多
2015-02-15
4150 浏览
早前分享咗8/F「至尊重庆鸡煲」嘅食记，依次就分享埋晌上面18/F「BBQ Military」嘅韩烧饮食体验。一出电梯，已经感受到「军事重地」嘅气氛，不过，一啲都唔凝重，绝无打杖嘅感觉，反而有份喜乐同开心，因为，几幅壁画，细心睇，有点幽默抵死。除咗门口有唔少军事装备外，如军帽、头盔、沙包、铁铲、军用电话机……等等，内里就有更多「展品」，铁丝网、望远镜、眼罩、假枪、避弹衣……真喺有排细数，最抵死喺枱上嘅「茶壶」喺士兵用嘅款式，好似返咗去细个玩童军嘅年代。虽然小弟唔喺咩军事迷，但睇见一样觉得过瘾，再者，所有侍应都著上迷彩军服，唔单止型，仲好配合个场。餐厅占18/F全层，所以，个场好大，又阔又深，起码可以坐到二、三百几人。餐厅单边全喺落地玻璃，因为居高临下，而周边大多数都喺矮细旧唐楼，所以，景观几开扬，入夜后，对住晒荃湾啲旧楼天台景，另一番风情。装修简单，水泥地现天花大光灯，烧烤枱及座位如一般韩烧格局，圆櫈揭开面盖可以放袋、放杂物，悭位方便。而抽烟系统采用上吸式，抽风口又可以拉高拉低，效果挺好，食到尾离开，都唔会一身油烟味，绝无尴尬。食中菜成日被为人诟病就喺又茶芥、又小食，一围人分分钟百几蚊
除咗门口有唔少军事装备外，如军帽、头盔、沙包、铁铲、军用电话机……等等，内里就有更多「展品」，铁丝网、望远镜、眼罩、假枪、避弹衣……真喺有排细数，最抵死喺枱上嘅「茶壶」喺士兵用嘅款式，好似返咗去细个玩童军嘅年代。虽然小弟唔喺咩军事迷，但睇见一样觉得过瘾，再者，所有侍应都著上迷彩军服，唔单止型，仲好配合个场。
餐厅占18/F全层，所以，个场好大，又阔又深，起码可以坐到二、三百几人。餐厅单边全喺落地玻璃，因为居高临下，而周边大多数都喺矮细旧唐楼，所以，景观几开扬，入夜后，对住晒荃湾啲旧楼天台景，另一番风情。装修简单，水泥地现天花大光灯，烧烤枱及座位如一般韩烧格局，圆櫈揭开面盖可以放袋、放杂物，悭位方便。而抽烟系统采用上吸式，抽风口又可以拉高拉低，效果挺好，食到尾离开，都唔会一身油烟味，绝无尴尬。
食中菜成日被为人诟病就喺又茶芥、又小食，一围人分分钟百几蚊，可谓「未见官先打八十」；有朋友就特别钟情韩国菜，因为，前菜既好食，花款多，又有特色，有啲铺头仲可以免费添加。就好似BBQ Military咁，都未点菜咋，已经先嚟一人一份「前菜」，有酱油冻豆腐、洋葱生菜丝、冬菇、韩式泡菜及萝卜丝。冻豆腐超嫩滑、冬菇很有菇香、泡菜辛辣惹味。每人有咁大份，竟然仲可以免费任添，本来我哋想话要多少少泡菜同冬菇就够，点知毫不手紧嚟咗3大兜，真喺诚意十足。
前菜：酱油冻豆腐、洋葱生菜丝、冬菇、韩式泡菜及萝卜丝。
110 浏览
0 赞好
0 留言
食韩烧，烧嘅大部份都喺肉，所以，更会附送一兜生菜，用嚟夹埋啲肉一齐食，减低油腻之余，亦令个味道清爽啲。生菜亦喺任添，外面有啲一喺要俾钱，一喺就只有免费加添一次，晌依度就感到店家疏爽。另外，亦供应一小碟面豉酱及青辣椒为佐料，加咗可以令肉味更突出。而小弟就更钟意晌生菜之上，又肉又生菜丝、萝卜丝，味道更丰富。
顺带先介绍吓有咩饮，韩国真露、日本清酒、啤酒……选择多多，不过，酒类唔喺太啱我哋，汽水又略嫌普通，所以，大家都一致拣咗啲韩国果汁，共有3款味道：桃、提子及梨（$20罐），除咗味道清怡，感觉天然，原来仲有少少果肉，值得一试！就算唔点嘢饮，军用水壶内嘅小麦茶，同样冰凉解渴。
韩国果汁（桃、提子及梨味）
$20
87 浏览
0 赞好
0 留言
以「军事」作为餐厅环境主题，已算喺成功吸晴，不过，一间店成功与否，还看食物质素。虽然，上文讲过烧嘅大部份都喺肉类，但花款真多，净喺猪肉，梅头、五花腩、排骨、猪颈肉、烤猪肠、烤猪皮、猪柳……等等多款，仲有牛肉类、特选类（济洲黑毛猪、鲍鱼）、鸡/鸭类、海鲜类，所以，单单可供烧烤嘅选择就近50款，货源嚟自世界各地。
此外，唔想成晚净喺得个「烧」字，仲有汤类、煎饼、饺子、汤饭及饭面等垫肚之选。虽然，好多都未有机会试，但餐牌内所有菜式，都图文并茂，睇见啲相都已经好吸引。
烤猪皮 $78 / 150g依个喺朋友一心一意想试嘅菜式，想一尝烤猪皮喺点样，我哋乐意奉陪。一客有3片，平平滑滑嘅猪皮，无半点肥膏，经烧烤成金黄半透明状，入口烟韧有咬口，沾点黄豆粉，口感无咁油腻，当为送酒啤嘅小食会喺唔错嘅配搭。据说能有效补充骨胶原，真假与否，都不妨一试。
烤猪皮
$78
57 浏览
0 赞好
0 留言
济洲岛黑毛猪面青肉 $138 / 150g两年几前同屋企人去过一趟济洲，知道当地嘅黑毛猪好出名，不过，因为大家当时疑晌庆州食错嘢，抱恙咗几日，所以，跟黑毛猪缘悭一面，故此今晚就点一客平平哋嘅黑毛猪面青肉试试。猪面青肉色泽鲜红，被裁成小件，容易烧烤，丝丝油脂平均散落肉面，烧好之后，侍应又帮我哋剪成为一口一件，细心妥贴，肉质好嫩滑，很有猪肉味，小弟就喜欢蘸少少蒜油，令肉味更香浓。
济洲岛黑毛猪面青肉
$138
77 浏览
0 赞好
0 留言
烤牛排骨（调味） $198 / 350g牛排骨已讲明已调味，所以，色泽带啡。每条牛排骨薄切后再卷好，肉面鎅好花，卖相变得份外吸引，而一客有两件，每件摊番长其实都好大件。牛排骨唔使烧得太熟，加上本身带点油脂，所以，好快有得食，兼且入口软腍富肉味，又够肉汁，配合生菜、少少面豉酱、洋葱丝……等等，味道实在一流。
烤牛排骨
$198
67 浏览
0 赞好
0 留言
每碟肉类都添加少少鸡脾菇作为配菜，烧香后，软腍爽口，几好食架！顺带一提，侍应都乐意帮客人烧烤所有食物，当然，如你喜欢自己动手烧，绝不成问题，但遇有一啲特别部位，大可请教佢哋。此外，佢哋唔似旧式啲龟背烤板，要落油嚟减低黐板，所以，基本上烧一转嘢就会帮你换板，换板次数相当之密，真喺依啲服务功夫绝无偷懒，抵贴士都俾多少少。
烤什锦海鲜 $358见隔离枱嘅海鲜几新鲜吸引，又好似样样想试，所以，索性拣个「烤什锦海鲜」，有齐大明虾、鲜带子、生蚝、鲍鱼、鱿鱼、蛏子、大花甲，阵容鼎盛。当我哋唔知从何入手点烧好，侍应即刻帮手为我哋解决烦恼。佢将个烤板放好后，我同佢讲喺咪倒转咗，原来倒转喺有原因，目的喺防止海鲜烧烤时渗出嘅水份漏出嚟，真喺受教了。
烤什锦海鲜
$358
73 浏览
0 赞好
0 留言
不单帮忙摆好烧烤阵势，仲帮我哋全程搞掂，唔使我哋鸡手鸭脚，认真窝心，烧好嘅食物，会先放晌烤板边热住，等你慢慢食，然则再将其他食材调位继续烧。所有食材都喺新鲜货色，所以，鲜甜味十足，当中嘅大虾、带子、蛏子爽口弹牙，鲍鱼有咬口，鱿鱼软绵，唔会入口成旧擦纸胶咁，而生蚝蚝味足，又夹著少少海水嘅咸鲜。最紧要有侍应帮手，先至令啲食材烧得啱啱好，仲有留意到，佢哋不时都调校个火力，如果自己烧番，好玩就好玩，但味道上可以要打个折扣啰。
煎饺 $48净喺烧肉、烧海鲜，要食到饱消费会有点高，所以，尾段加啲垫肚嘢，既可食得经济啲，又可以试到师傅喺其他菜式上嘅手势。先嚟一客煎饺，共有6只，煎得金香，唔太油，饺皮薄而脆，肉馅跟菜嘅比例平均，唔错。
煎饺
$48
40 浏览
0 赞好
0 留言
煎饼晌济洲几经常食到，店家有两款口味：煎海鲜葱饼及煎泡菜饼，因为前菜都食咗唔少泡菜，所以，我哋拣前者。韩式煎饼质感比较粉，有啲似「糕」嘅感觉，煎饼里有好多海鲜料，如虾仁、鱿鱼，其实，煎得几香口，味道不俗。
煎海鲜葱饼
$78
34 浏览
0 赞好
0 留言
虽然又煎饺，又煎饼，但一讲到甜品，女士果真有第二个胃。餐牌内本身有一款甜品「半干柿」，好似几有特色，又未食过，可惜贴住「Sold Out」二字，幸而仲有一个甜品餐牌，写明由韩国直送嘅冻饼，一共有5款味道：甜蕃薯果仁蛋糕、朱古力碎蛋糕、红莓芝士蛋糕、特浓朱古力果仁蛋糕及热情果慕丝蛋糕，款款特价做紧$32。
纽约芝士蛋糕、朱古力慕丝蛋糕、热情果慕丝蛋糕果然韩国直送，直头原装连埋包装胶盒由韩国空运过嚟。不过，味道跟餐牌有少少出入，纽约芝士蛋糕应该喺无加入红莓酱，而且，用个银盘装起嚟硬喺差少少美感。不过，3款蛋糕都绝对有水准，尤其件热情果慕丝蛋糕，一来无想像咁酸，二来慕丝做得幼滑非常，海绵蛋糕好软绵。
纽约芝士蛋糕、朱古力慕丝蛋糕、热情果慕丝蛋糕
$32
73 浏览
0 赞好
0 留言
餐后见唔少人晌近门口个游戏区不时传来枪声玩紧射击，喺免费任玩，不过，我哋几个朋友就宁愿倾吓偈，但见唔少细路仔玩得异常开心。
如果想攞多点著数，又喺属于夜鬼一族，不妨10:00pm后嚟帮衬，全单八折，食得更划算、更尽兴。
食材及服务质素皆做得好，唔怪得咁爆场，离开时仍然见唔少人等位，确喺近来值得推介嘅餐厅之一！
张贴
