福源川香閣

营业中

休息中

年廿八，由于听日返半日就放工，所以部门提早食饭。又因为拎左公司奖金，所以今餐请客。同事话要辣，阿姐就话黎呢度。湾仔，好似越来越多食辣的餐厅。今日来的这间是其一。店今年年头开，阿姐话已经黎左几次，当然阿姐点菜。今餐都丰富，有酸菜鱼(我想食水煮鱼多d，next time la)、火爆腰花、农家大碗花菜、酸豆角炒肉碎、青笋片炒木耳、红糖糍粑、酒糟小汤丸。酸菜鱼，碗好大，吓左一跳，鱼份量都多(我地点左大份)。味道ok呀，汤酸酸辣辣的，好开胃。不过同其他店的差不多，冇乜惊喜。我见餐牌有水煮鱼，用的是耗儿鱼，唔知好唔好味，下次一定要试。大碗花菜同青笋炒木耳，中和一下食辣的味蕾，特别喜欢青笋片，好fresh。炒肉碎同火爆腰花，不过不失，腰花够爽口，但两碟略嫌不够辣。特别要推荐的是红糖糍粑，要衬热食，估唔到来到食辣野的店，最印象深刻的是这道甜食，烟靭的口感加上红糖，一试难忘。可惜每人得一件，真系少吃多滋味。酒糟丸子，就一般了，食完冇乜印象。这店其实都算ok，坐得几舒服；至于食物，不过不失，如果佢再辣d就更好。不过今餐点的都不算是表现佢辣的一面，俾多次机会佢，下次再食番佢麻辣的菜式。