影片
更多
2021-03-06
439 浏览
平时我去开附近嘅中式糖水舖，今日心血来潮又带住小朋友，就谂住食啲缤纷啲嘅糖水啦，点知恶梦就系咁样就开始咗⋯⋯餐牌印制精美，好多款糖水都图文并茂，睇相真系好多都好吸引，所以我哋一行四人左拣右拣，为自己精挑细选咗几款甜品。紫薯香芋雪乐冰芋圆紫米露算系最高质素嘅一碗，紫薯有紫薯味，但香芋就完全冇香芋味，芋圆口感正常都少少Q弹但味道唔突出，基本上全碗甜品最好味嘅就系喺最底层嘅紫米露。芒果肠粉都明知系gimmick，白色系椰汁味嘅「肠粉皮」，然后就包住芒果肉，芒果虽然都甜，但份量就偷工减料，总共两条分四件共八件，为处于旁边𠮶四件基本上冇乜芒果肉，我可以讲侧边每一件嘅芒果肉只有中间嘅六份一左右，所以食到嘅基本上系椰汁皮同芒果汁。同佢餐牌上𠮶幅图比较，应该少咗成个芒果嘅份量！而呢个菠萝雪乐冰豆腐花呢个配搭根本系一个错配，菠萝嘅酸性会改变咗豆腐花嘅口感，变得唔再香滑，所以根本唔应该推出呢一个配搭俾客人选择，而且佢嘅雪乐冰份量少得惊人，又系一个照骗！大家见到呢个芒果布甸卖相属于最正常最似样系咪？但其实呢个先系最恶梦，因为佢个芒果布甸系变坏咗嘅，食第一啖就发现刺鼻嘅酸味，当然即刻要求更换啦，店员虽然由头到
餐牌印制精美，好多款糖水都图文并茂，睇相真系好多都好吸引，所以我哋一行四人左拣右拣，为自己精挑细选咗几款甜品。
紫薯香芋雪乐冰芋圆紫米露算系最高质素嘅一碗，紫薯有紫薯味，但香芋就完全冇香芋味，芋圆口感正常都少少Q弹但味道唔突出，基本上全碗甜品最好味嘅就系喺最底层嘅紫米露。
芒果肠粉都明知系gimmick，白色系椰汁味嘅「肠粉皮」，然后就包住芒果肉，芒果虽然都甜，但份量就偷工减料，总共两条分四件共八件，为处于旁边𠮶四件基本上冇乜芒果肉，我可以讲侧边每一件嘅芒果肉只有中间嘅六份一左右，所以食到嘅基本上系椰汁皮同芒果汁。同佢餐牌上𠮶幅图比较，应该少咗成个芒果嘅份量！
而呢个菠萝雪乐冰豆腐花呢个配搭根本系一个错配，菠萝嘅酸性会改变咗豆腐花嘅口感，变得唔再香滑，所以根本唔应该推出呢一个配搭俾客人选择，而且佢嘅雪乐冰份量少得惊人，又系一个照骗！
大家见到呢个芒果布甸卖相属于最正常最似样系咪？但其实呢个先系最恶梦，因为佢个芒果布甸系变坏咗嘅，食第一啖就发现刺鼻嘅酸味，当然即刻要求更换啦，店员虽然由头到尾连一句「唔好意思」都冇讲过，我哋仲好好心咁样不断提醒佢，叫佢check吓入面其他芒果布甸系咪都变坏咗，但佢完全冇反应，不过都好慷慨咁俾我哋换过另外一款甜品。
我哋就拣转成呢个可可奶冻，相入面有一球雪糕、朱古力布甸、香蕉同埋棉花糖，小朋友对于棉花糖就最期待。
但一嚟到嘅时候，点解会变成咁样㗎？？？究竟说好嘅香蕉同棉花糖去咗边？咁我哋当然会追问店员啦，佢就咁一句话「系呀而家改咗」咁就完㗎喇，我问佢点解我落单时佢唔出声，佢冇正面回应，只系话如果唔啱食可以再换过另一款。但系我就真系冇勇气再换落去，唯有快快趣忍气吞声咁样吞几啖就算。仲有，佢嘅芒果雪糕系完全冇芒果味嘅，真系唔知自己食紧啲乜😅
其实我都曾经帮衬过海记其他分店，印象中出品服务都属正常水平，但呢间分店真系令我震惊🤯今时今日嘅香港社会，窝夫冇格仔纹都可以向海关举报嘅世代，我觉得我呢个遭遇就更加值得叫海关跟进！
张贴
