印度皇

营业中

休息中

印度咖哩呢家野我响英国食得多，大家千祈唔好以为，响英国边有可能食到印度咖哩嘅真谛。的确响英国，混水摸鱼嘅印度菜馆多的是，不过地道风味嘅亦唔少, 亦试过唔少印籍同学嘅手艺。虽然印度咖哩唔系我嘅大好，不过我都几钟意佢哋啲咖哩够多蔬菜，味道又多选择。恒河咖哩屋响香港好食出哂名，但系我就觉得佢啲口味越黎越香港，咖哩种类又杂乱，可能因为米芝莲大厨已经另起炉灶，风味大不如前。印度皇位于信德对面，当日客人都以印籍为主，可算系信心保证吧。我同啲人两口子，唔想食太多野，点咗个小食，两个咖哩同一份包。Samosa - 馅料有蔬菜薯仔，不过唔系咖哩馅，但系皮算薄，馅多，味道好。Beef tongue Masala - 牛脷有啲膻，唔够稔，蕃茄味都足，香料味可以浓啲。Chicken Saag - 菠菜咖哩鸡，味道不错，好浓嘅菠菜，鸡肉唔鞋，𩠌饭蘸包一流。唔好怪佢卖相麻麻，其实极具风味。Garlic Naan - 个包就差啲，冇咩蒜香，唔够弹性。总括，此店都算系似模似样，$9X 一碟咖哩唔算平，不过够大份所以都ok，味道一般，夹埋野饮( 椰青，青柠梳打)，两人连加一承惠$350，价钱同货色尚可接受。会唔会再试呢