影片
更多
2023-02-19
430 浏览
附近唔多糖水舖，屋企人想试呢间，咁就行入去试吓°门口有人食紧雪茄 ，舖头入面客人同店员都唔多。冇人招呼可以坐边，我哋就拣咗近门口嘅𠮶台，但我哋拣得唔系几好 ，全程都闻到𠮶浸雪茄味。我哋睇餐牌系有啲慢嘅，坐低大约5至10分钟左右，就有一个好似老板娘嘅人问我哋：「你哋睇完未？落得单未？」可能佢就冇咩恶意嘅，但我坐喺度听到呢两句，观感都几差。屋企人拣咗原本个甜品系有雪糕嘅，但雪糕得一只味，咁就睇多一睇拣第二只。呢个时候老板娘有同我哋介绍佢舖头嘅甜品芒果同榴梿都系招牌，呢点觉得几好，虽然语气同态度依然普通。咁我哋等紧甜品嚟嘅时候，后边有一台客人离开。佢哋应该系熟客或者同乡，同老板娘可以倾偈有讲有笑，原来老板娘识正常讲嘢。甜品好快上到，份量就普通正常，食完饭食都可以食得晒。芒果河粉啲河粉都几似椰青嘅肉，芒果普通唔甜唔酸，西米冇乜口感，汤底/果汁冇乜味。虾饼炸得有啲过咗龙，但中间都唔系唔香脆。生果凉粉生果普通冇特别甜但都唔酸，凉粉唔多味道都几普通，喺超级市场买一盒𠮶啲差唔多，普通一个饭碗嘅份量。食食吓听到有背景音乐但电视冇开，屋企人讲咗下，个电视就开返，呢点几贴心。（p.s.电视系播紧CCTV歌唱
门口有人食紧雪茄 ，舖头入面客人同店员都唔多。
冇人招呼可以坐边，我哋就拣咗近门口嘅𠮶台，但我哋拣得唔系几好 ，全程都闻到𠮶浸雪茄味。
我哋睇餐牌系有啲慢嘅，坐低大约5至10分钟左右，就有一个好似老板娘嘅人问我哋：「你哋睇完未？落得单未？」可能佢就冇咩恶意嘅，但我坐喺度听到呢两句，观感都几差。
屋企人拣咗原本个甜品系有雪糕嘅，但雪糕得一只味，咁就睇多一睇拣第二只。呢个时候老板娘有同我哋介绍佢舖头嘅甜品芒果同榴梿都系招牌，呢点觉得几好，虽然语气同态度依然普通。
咁我哋等紧甜品嚟嘅时候，后边有一台客人离开。佢哋应该系熟客或者同乡，同老板娘可以倾偈有讲有笑，原来老板娘识正常讲嘢。
甜品好快上到，份量就普通正常，食完饭食都可以食得晒。
芒果河粉啲河粉都几似椰青嘅肉，芒果普通唔甜唔酸，西米冇乜口感，汤底/果汁冇乜味。
虾饼炸得有啲过咗龙，但中间都唔系唔香脆。
生果凉粉生果普通冇特别甜但都唔酸，凉粉唔多味道都几普通，喺超级市场买一盒𠮶啲差唔多，普通一个饭碗嘅份量。
食食吓听到有背景音乐但电视冇开，屋企人讲咗下，个电视就开返，呢点几贴心。
（p.s.电视系播紧CCTV歌唱节目）
建议大家谂清楚先入去
芒果河粉
$60
14 浏览
0 赞好
0 留言
张贴
