I Love 戟 - 班戟專門店

营业中

休息中

已经食咗好几年嘅班戟店,今日行行下街忽然想起好耐冇去食,于是特登坐地铁去到筲箕湾东大街食一食至得。今次我想推介嘅系比较少人叫嘅咸食班戟~芝士咸牛肉班戟。今日skip lunch, 下昼系几肚饿嘅,所以一去到就嗌咗呢一个班戟嚟食。呢个班戟好顶到肚,而且热辣辣,咬落去𠮶啖芝士仲会拉cheese,证明店主一啲都唔孤寒,畀足料,真系好好味!至于每次都会叫嘅焦糖炖蛋班戟,完全keep到水准。𠮶个焦糖炖蛋外暖而底下雪糕𠮶种内冷,可以话外到内充满层次感,同埋可以一次过达成我两个愿望,就系食焦糖炖蛋同埋食雪糕喇。其实好多食评已经写过,我都唔多讲啦。轻轻提一提,每日焦糖炖蛋班戟嘅数量系有限(我试过太晏去到卖晒,好失望啰!)。不论咸食定甜食都咁吸引我,我真心讲,每隔几个礼拜就要去食一食,先顶到我个心瘾,所以老细系由细睇到我个囡囡大。我认为佢应该送个vip 会藉至得😄。