影片
更多
2007-05-13
23 浏览
星期五一家同妈妈去Jacky开的「囍宴甜艺」食饭预祝母亲节，食物做法算特别，味道中上，但service真系唔得！令到我地十分扫兴同丢脸，好彩系同屋企人食饭，如果同客、朋友去，真系样衰到爆！话说「囍宴甜艺」原来有个不明文的规矩系每台只有1.5小时的用膳时间。我2星期前电话book台，无人同我讲，到星期三我自己打电话去confirm booking，对方亦无mention，到星期五上昼店员打电话来再三confirm，亦无人同我提及。当晚5点半，我行经店外，谂住先睇下有咩special要事先order，店员亦无同我mention每台只可以坐1.5小时。我5点半睇menu时已问定有无野，尤其系甜品要预留，或者无货，店员只系讲无榴梿，fine，我唔好榴梿，无所谓。点知，7点半准时到达，食到8点半，已经有个waitress过来催，要我地落甜品order，然后再话我地听只有25 minutes left，如果系得1.5小时，我地肯定唔会帮衬，屋企人食饭梗系倾下计，闲话家常。个姓黄(王？)的Managress仲要话因为舖头细所以只可以坐1.5小时，又一大堆藉口，但从来唔认为系佢地疏忽做错！Oh my
话说「囍宴甜艺」原来有个不明文的规矩系每台只有1.5小时的用膳时间。我2星期前电话book台，无人同我讲，到星期三我自己打电话去confirm booking，对方亦无mention，到星期五上昼店员打电话来再三confirm，亦无人同我提及。当晚5点半，我行经店外，谂住先睇下有咩special要事先order，店员亦无同我mention每台只可以坐1.5小时。
我5点半睇menu时已问定有无野，尤其系甜品要预留，或者无货，店员只系讲无榴梿，fine，我唔好榴梿，无所谓。
点知，7点半准时到达，食到8点半，已经有个waitress过来催，要我地落甜品order，然后再话我地听只有25 minutes left，如果系得1.5小时，我地肯定唔会帮衬，屋企人食饭梗系倾下计，闲话家常。个姓黄(王？)的Managress仲要话因为舖头细所以只可以坐1.5小时，又一大堆藉口，但从来唔认为系佢地疏忽做错！Oh my god!!! 你之前唔讲明，唔系一次㖞，我前后电话联络过3次，亲身去过一次，临坐低都无讲㖞！而家话要做2转就赶我地走，实在过份，态度仲要好差！C'mon!! 如果嫌赚唔够的话，唔该将定价double、triple，一系白纸黑字明文写低个半钟要走，愿者上钓！
更加令我嬲的是，有部份甜品order时竟然系刚刚卖晒！有无搞错，我5点半特意入来问定有无野要reserve，pre-order，而家你话卖晒？仲话想做两round生意？似系唔想做我生意多D啰！
既然又赶时间，又呢样无0个样无，唯有走啰。餐饭由起菜到埋单，1粒钟都唔知有无，仲惨过去大家乐！
呢间「囍宴甜艺」食物其实只系中上，另外系食环境(其实都好窄)同Jacky的名气，但咁样的dinning experience，真系唔去好过！呢个姓黄(王?)的Manageress态度真系一流，一流的反面教材！
5个人未食甜品都食左接近$800，又唔系特别好食，service、态度又差。呢间野系我呢几年食完最后悔的一餐！
张贴