Kotori_Lbird

营业中

休息中

之前食过佢哋关东煮，都几年前，以为佢哋唔再开返，知道佢开返同转左menu ,就黎支持下，叫左试食餐有齐乌冬加鳗鱼饭。十蔬鸡肉特制乌冬有唔同既蔬菜，仲有姜丝无咁寒凉，好似阿妈啲理论，个乌冬同其他地方都唔同，唔系纯白色。鳗鱼饭佢地话系炭烧，有啲淮山蓉好似健康左，个饭都唔系净白米，沟左样叫黎麦既野，未食过，初初听到以为系麦皮啲friend,食落我觉得有啲似薏米？外食想食菜成日下下都食炒菜，或者灼菜心，依个算食到唔同蔬菜，仲有蒟蒻𠮶啲。我放工拿回家成个钟车程先食，都仲靓既，下次食lunch买，唔使拿咁远，睇下个鳗鱼会点。