影片
更多
2021-09-11
58 浏览
麻辣风云呢期真系好hit🔥 原来系ToNick主音开嘅，难怪咁高人气啦！🤔 老老实实我对呢间餐厅最印象深刻系佢𠮶个炸馒头船🤣餐厅面积都算大，占咗成层嘅空间。一入门口就见到中式屏风，甚有特色。餐厅入面仲设有独立房，私隐度高。❤️ 炸馒头 $58今次绝对系为咗呢个炸馒头而嚟！🤣 摆盘非常有气派，有架船载住啲炸馒头，仲喷哂烟咁😶🌫️ 睇到船上嘅公仔就知系以诸葛亮草船借箭做主题，google之下发现原来馒头嘅普及系同诸葛亮有关㗎😳 今次真系学到嘢👀讲返个炸馒头先，炸馒头表面金黄香脆，内里软绵😋平时食炸馒头最怕油淋淋同冻咗，呢个炸馒头系即叫即炸热辣辣同埋唔太油😼 佢仲有配4款酱，分别系炼奶、朱古力、绿茶同芝蔴酱，配搭好特别😮 ❤️ 云南小锅米线 $38呢度小锅米线都系$38，抵食！🙀 酸辣程度可以任你拣👌🏻 配菜有肉碎、酸菜、芽菜等。今次叫咗小辣，但辣度都唔惹少😹 米线索哂啲汤汁，麻辣十足🔥 辣度比预期中强劲，食得过瘾😆❤️ 酸菜鱼 $88午市客饭包一大兜酸菜鱼同一碗饭，其实唔洗要碗饭都已经够饱，因为酸菜鱼入面仲有宽粉🙊 同样地酸度麻辣度均可自己选择，我今次拣咗中酸小辣小麻💁🏻♀️ 酸菜鱼分量多，鱼肉
餐厅面积都算大，占咗成层嘅空间。一入门口就见到中式屏风，甚有特色。餐厅入面仲设有独立房，私隐度高。❤️ 炸馒头 $58
今次绝对系为咗呢个炸馒头而嚟！🤣 摆盘非常有气派，有架船载住啲炸馒头，仲喷哂烟咁😶🌫️ 睇到船上嘅公仔就知系以诸葛亮草船借箭做主题，google之下发现原来馒头嘅普及系同诸葛亮有关㗎😳 今次真系学到嘢👀讲返个炸馒头先，炸馒头表面金黄香脆，内里软绵😋平时食炸馒头最怕油淋淋同冻咗，呢个炸馒头系即叫即炸热辣辣同埋唔太油😼 佢仲有配4款酱，分别系炼奶、朱古力、绿茶同芝蔴酱，配搭好特别😮
❤️ 云南小锅米线 $38
呢度小锅米线都系$38，抵食！🙀 酸辣程度可以任你拣👌🏻 配菜有肉碎、酸菜、芽菜等。今次叫咗小辣，但辣度都唔惹少😹 米线索哂啲汤汁，麻辣十足🔥 辣度比预期中强劲，食得过瘾😆❤️ 酸菜鱼 $88
午市客饭包一大兜酸菜鱼同一碗饭，其实唔洗要碗饭都已经够饱，因为酸菜鱼入面仲有宽粉🙊 同样地酸度麻辣度均可自己选择，我今次拣咗中酸小辣小麻💁🏻♀️
酸菜鱼分量多，鱼肉嫩滑惹味，厚薄适中，酸辣分明，更有淡淡桂花清香🌼 宽粉吸收咗汤底嘅精华，Q弹爽滑😚 配料仲有豆卜、莴苣、芽菜等，好足料👍🏻
❤️ 菊花蜜 +$18
客饭加钱可以转风云特饮，呢个都系餐厅打卡必点饮品！菊花蜜以粉红色小酒埕装住，配有两个小酒碗，别有一番风味😂 呢个时候你就可以扮吓古装剧入面啲侠客去客栈饮酒嘅情景，斟酒俾伴侣或朋友饮👲🏻 菊花蜜清新解辣又解渴，可以叫嚟试吓！
餐厅推荐度：⭐️⭐️⭐️⭐️ (4/5)
呢间嘅评价一直都几好，今次由荃湾过海开到嚟铜锣湾，对港岛居民嚟讲够哂方便😆 价钱又唔贵，又啱打卡，可以一试㖞😎
补返Menu先👇🏻
张贴
