影片
更多
2017-02-22
2992 浏览
今回细佬生日饭，一早就已谂好嚟依间新开无耐嘅「堤诺比萨」，一来深水埗方便佢哋，二来薄饼啱晒佢哋，又唔使喺啲连锁薄饼店，三来又等我可以试吓新嘢。我哋一早订咗位，但闲日晚7:00pm嚟到唔多人，不过，估唔到坐吓坐吓都坐到满晒。「堤诺」喺台湾过江龙，所以，晌环境、餐牌都揾到佢喺属宝岛嘅痕迹，例如墙上一啲台湾海报，餐牌会用义大利、拿铁、综合、奶油……等等台式用字。而环境简约，装修偏向咖啡室布局，墙上挂上唔少意式食物嘅相片及煮食用具，就当晚所见，侍应都喺清一色年轻有活力嘅少女。主餐牌印成薄饼托板之上，蛮有心思，底面两版就有齐所有食物及饮品，包括：比萨、甜在星（可视为甜批）、小食、汤品、沙律、烤饭（即喺焗饭）、烤面（我哋惯叫嘅意粉）、佛卡夏（可睇为以意大利香草包为底嘅比萨）。饮品除汽水、茶啡、沙冰外，多咗啲台式水果茶及珍珠奶茶，故此，不论食物还是饮品，都跟本土见惯见熟𠮶几间薄饼店确喺有较多分别，俾人亦多份新鲜感。除散点，套餐自己唔少得，有经典双人套餐（$198）、豪华双人套餐（$248）、4人派对套餐（$398）及6人共享套餐（$598），选择多，非常有弹性。细佬点菜一向无意见，所以，责任落在我身
「堤诺」喺台湾过江龙，所以，晌环境、餐牌都揾到佢喺属宝岛嘅痕迹，例如墙上一啲台湾海报，餐牌会用义大利、拿铁、综合、奶油……等等台式用字。而环境简约，装修偏向咖啡室布局，墙上挂上唔少意式食物嘅相片及煮食用具，就当晚所见，侍应都喺清一色年轻有活力嘅少女。
主餐牌印成薄饼托板之上，蛮有心思，底面两版就有齐所有食物及饮品，包括：比萨、甜在星（可视为甜批）、小食、汤品、沙律、烤饭（即喺焗饭）、烤面（我哋惯叫嘅意粉）、佛卡夏（可睇为以意大利香草包为底嘅比萨）。饮品除汽水、茶啡、沙冰外，多咗啲台式水果茶及珍珠奶茶，故此，不论食物还是饮品，都跟本土见惯见熟𠮶几间薄饼店确喺有较多分别，俾人亦多份新鲜感。
除散点，套餐自己唔少得，有经典双人套餐（$198）、豪华双人套餐（$248）、4人派对套餐（$398）及6人共享套餐（$598），选择多，非常有弹性。
细佬点菜一向无意见，所以，责任落在我身，小弟费事烦，4个人就点个4人餐，因为内容都几丰富，一个比萨、一客烤饭或烤面、一份沙律或蔬菜、一客小食、一份堤诺拼盘及4杯饮品或汤品。
罗宋汤老婆喜欢饮汤多过饮嘢，所以，佢要一客餐汤，虽然餐汤喺大路嘅罗宋汤，胜在足料，味道酸酸带微辣，饮完好开胃。
珍珠奶茶细佬、细妹同样拣珍珠奶茶，虽然喺堂食，奶茶却用咗外带胶杯，加上大大杯，饮唔晒都可以拎走慢慢饮。小弟无试，佢哋话OK，少甜，珍珠好咬口。
榛果拿铁 +$8由于套餐只包$24或以下饮品，所以，我杯拿铁需补差价。咖啡杯印有店家标志，又用小木钻板做杯垫，加件曲奇就正喇。台湾人冲调咖啡向来有一手，不过，呢杯嘢似意大利泡沫咖啡多啲，幸而本身嘅味道都够香醇，榛子味亦好突出。
芝士薯条小开胃4选1，拣芝士薯条一来细佬想食，主因喺贪佢易啲大家共享。初时以为就咁芝士酱淋落薯条度，原来，仲有咁少少烟肉碎，只要烤得唔油，新鲜炸起新鲜食，真喺无乜得点输。
堤诺拼盘写明包括鸡翅2只、薯条及卡啦鱼条4条，烤鸡翼佢事前已开半，变得人人都有得食，味道甜甜酸酸，唔错㖞，而卡啦鱼条即喺炸鱼手指，皮脆肉滑，沾自家调嘅沙律酱，好食。
炉烤时蔬沙律或蔬菜类我哋拣个热食嘅炉烤时蔬，有啲似葡汁焗时蔬，蔬菜分别有珍珠笋、薯仔、南瓜、翠玉瓜及车厘茄，后加少少黑橄榄做装饰，焗得几香，个汁底又几香浓。
炉烤时蔬
28 浏览
1 赞好
0 留言
4款烤饭或烤面选择，似乎依个海鲜烤饭最吸引，原个铁镬上枱，有少少西班牙海鲜饭嘅影子，我可以确定喺原个镬入炉焗，因为个镬边好辣手，怪不得以矽胶垫包住镬柄。海鲜非常足料，有青口、鱿鱼及鲜虾，仲有鸡脾菇片，饭粒干爽，更混入唔少九层塔、洋葱粒、蕃茄粒提味，实在不俗。
义式海鲜总汇烤饭
36 浏览
1 赞好
0 留言
堤诺嘅比萨分两大系：拿坡里比萨（9吋直径，厚身型）及罗马比萨（12吋直径，薄脆型），而4人餐所包嘅喺后者，同样有4款选择，较啱大家食嘅就喺依个果香熏鸡口味，何谓果香？其实睇英文一望就知，就喺加入菠萝。个比萨我哋大家一致都觉得有惊喜，除了批底好脆口外，芝士好软绵香浓，熏鸡嫩滑有阵阵烟熏香，而菠萝嘅清甜平衡番晒啲浓味，所以，食落唔会好油腻，再者，批面洒下大量杏仁片，增加个咬口感，的确更好食，好值得一试嘅比萨。
义式果香熏鸡比萨
32 浏览
2 赞好
0 留言
甜品方面正正做紧推广，惠顾满$200，只需$38即可享用2款特色甜品：法式焦糖炖蛋配冰淇淋、阿芙佳朵（Affogato）或珍珠奶茶奶冻配冰淇淋，即喺平均$19一客，认真抵到烂。因为每日限量供应，所以，落单时先预留，等食完正餐先后上。
法式焦糖炖蛋配冰淇淋个雪糕球喺云呢嗱口味，无咩特别，但杯法式焦糖炖蛋做得有水准，焦糖又薄又脆，炖蛋都几够滑，富蛋香。
法式焦糖炖蛋配冰淇淋
38 浏览
2 赞好
0 留言
珍珠奶茶奶冻配冰淇淋仲以为奶冻内有珍珠，原来唔喺，而喺奶茶味嘅意式奶冻，再加入珍珠，不过，食嘅时候较难放埋一齐食，都喺食咗大部份珍珠，之后才食奶冻，奶冻嘅茶味颇突出，质感滑得嚟较挺身，可以做番软身啲就更好。
珍珠奶茶奶冻配冰淇淋
23 浏览
1 赞好
0 留言
今次贪新鲜试嘅过江龙台湾比萨店整体水准唔错，部份菜式有惊喜，我哋都食得乐在其中，而且，定价合理，喺绝对值得翻兜。再上官网八啩吓，晌台湾当地已有唔少分店，亦扩展至亚洲唔少地区，相信继续努力，版图可以扩展得更大。
张贴
