新興食家 (裝修中)

细细个既时候，饮茶最钟意去楚留香，后来离开左香港几年，番到黎发现楚留香执左，试过好多间茶楼，都揾唔番细个食过既传统味道同埋质素。系朋友介绍之下，庆幸试到新兴食家的点心，虽然地方超细坐得劲唔舒服，呀姐又好嘈同埋燥底，食物一盘盘系背后飞黎飞去鬼咁危险，最惨仲要排队tim，但为左美食冇计啦，鬼叫系第二度食唔到咩去食野既朋友真系要有定心理准备，佢既环境绝对差过大排档同埋茶餐厅，惊受气既就唔好去了。第一次去既时候，门口冇人排队，朋友就直接带我入去搭台揾位，好快就坐低左有得食；今次第二次去，知道人多难揾位，所以净系约左一个朋友陪食。一去到，门口已经排左７，８个人等位，所以就跟住排队，期间不停有人走入铺头入面，初时仲以为系买外卖，到排到我地系下一个既时间，先发现好多人原来系打尖直接入去揾位坐低。呢个时候我地见到有人走，心谂好耶有位啦，点知有个男人带住个外国人直接系我面前入去坐低抢左我地个位，即时著左，同收银个叔叔投诉，佢只系帮我地大叫问入面有冇两位，而Ｄ呀姐基本上冇理过佢，自己继续做自己野。如是者又有几个阿婆阿伯一个人行入去打尖揾位，我同朋友终于忍唔住啦，自己问入去Ｄ人系堂食定外卖，堂食唔该去后面排