影片
更多
2017-12-21
2086 浏览
食友都知小弟喜欢意大利嘢，好几位推介我试试The Point，间唔时都有留意呢间店，主打龙虾薄饼真喺几出名，最近先知晌九龙The One商场都有分店，故此，趁周末午市应该客人唔多，专登走过嚟食晏。门面采开放式，加上呢个商场铺位本身楼底已相当高，故此，空间开扬。全店以墨绿为主色系，配木椅、云石枱，予人感觉悠闲轻松。中间餐区对住水吧及巨型焗炉，见到逢喺烘焗嘅菜式都喺晌度制作。星期六嘅中午，客人群都喺以家庭客居多，而且，果然唔太多客，少份喧闹，多份写意。虽然喺午餐，但依度无套餐供应，只得散点。打开巨型餐牌，汤品、沙律、前菜、意大利面及薄饼，全部一眼睇晒。考虑一下，薄饼喺必点嘅，再加两客前菜已好够食。香蒜辣椒白酒煮大蚬 $118如果你都有细心留意，就会发觉啲中蚬唔喺炒完就咁推晒落碟，而喺有心将啲蚬一只又一只叠番起，令个外观更立体有层次。除好睇，亦好食，首要喺蚬肉够饱满肥美，入口有肉地，而且鲜甜，轻轻渗出蒜香及酒味，再带出柔和嘅辣劲，样样都恰到好处，令人印象深刻。甜蕃薯条配香辣沙律酱 $68老婆话啲蕃薯条睇落好似炸得稍㶶，其实，喺因为有糖份，易上色。啲蕃薯条既甘香，又脆口，够粉又有薯香，沾点自家
门面采开放式，加上呢个商场铺位本身楼底已相当高，故此，空间开扬。全店以墨绿为主色系，配木椅、云石枱，予人感觉悠闲轻松。中间餐区对住水吧及巨型焗炉，见到逢喺烘焗嘅菜式都喺晌度制作。
星期六嘅中午，客人群都喺以家庭客居多，而且，果然唔太多客，少份喧闹，多份写意。
虽然喺午餐，但依度无套餐供应，只得散点。打开巨型餐牌，汤品、沙律、前菜、意大利面及薄饼，全部一眼睇晒。考虑一下，薄饼喺必点嘅，再加两客前菜已好够食。
香蒜辣椒白酒煮大蚬 $118如果你都有细心留意，就会发觉啲中蚬唔喺炒完就咁推晒落碟，而喺有心将啲蚬一只又一只叠番起，令个外观更立体有层次。除好睇，亦好食，首要喺蚬肉够饱满肥美，入口有肉地，而且鲜甜，轻轻渗出蒜香及酒味，再带出柔和嘅辣劲，样样都恰到好处，令人印象深刻。
香蒜辣椒白酒煮大蚬
$118
23 浏览
0 赞好
0 留言
老婆话啲蕃薯条睇落好似炸得稍㶶，其实，喺因为有糖份，易上色。啲蕃薯条既甘香，又脆口，够粉又有薯香，沾点自家调嘅香辣沙律酱，味道立时多变咗。
甜蕃薯条配香辣沙律酱
$68
27 浏览
0 赞好
0 留言
原只龙虾薄饼 $298记得大概10年前左右，有一家过江龙叫「喜客比萨」（Shakey's Pizza Restaurant）嘅薄饼专门店，当时推出龙虾长方形薄饼，成为卖点，可惜后期渐渐消声匿迹，间唔时都有见零碎薄饼店推出龙虾薄饼，但似乎成为唔到主流。而今日嚟到The Point，多少都喺为呢道「原只龙虾薄饼」而嚟。
主角亮点登场，原只龙虾摆晌薄饼之上，卖相抢晒点啦！原以为啲虾壳摆出嚟纯为卖相，做吓样，点知个虾头、虾身都酿番啲虾肉入去一齐焗，故先嚟嘅喺爽弹鲜甜嘅龙虾肉入口。虽然薄饼上已放有龙虾肉，嫌唔够多，大可将拆出嘅龙虾肉放埋晌薄饼度一齐食，实满足到你。
原只龙虾薄饼
$298
23 浏览
0 赞好
0 留言
餐牌已注明成份，包括原只龙虾、茴香头、车厘茄、水牛芝士及海鲜汁。如果有细心留意嘅话，啲馅料会放晌中间而留少少外围边位，所以，食到尾嘅边位特别香脆；而汁底唔喺咩蕃茄、千岛……，喺海鲜汁，所以，整件薄饼入口嘅海鲜味都好强，亦因为落咗唔少海鲜汁，薄饼中心位变得腍身啲，个人觉得要谂谂点改良吓；水牛芝士下嘅份量刚好，唔会太抢啲海鲜汁味，所以，整体而言，个龙虾薄饼真喺几正。
甜薄饼作为甜点，我哋觉得太重份量，多口问问，晌晚市嘅主餐牌后页喺有其他甜品，包括意大利芝士饼及朱古力布朗尼饼。
朱古力布朗尼饼 $68果然跟足菜式名「Brownie in a Pan」以小煎镬呈上，小弟依世人食过唔少布朗尼，亦识得点整，The Point嘅布朗尼可称得上喺高水准之作。
卖相已经抢分先，布朗尼本身做得挺实，却唔会硬崩崩，朱古力味超浓郁，饼心更混有脆口嘅合桃；云呢拿雪糕入口香滑富奶香，夹住布朗尼一齐食，真喺出到冰火嘅效果；而烤香蕉洒咗沙糖以火枪处理，做成薄薄一层脆焦糖，蕉肉又焗到腍透，伴上合桃，味道一流。
朱古力布朗尼饼
$68
13 浏览
0 赞好
0 留言
无论前菜，抑或薄饼、甜品都做得相当出色，每处都感受到厨师嘅用心。虽然，无试到其意大利面，但相信亦会不俗。加上环境好，服务细心，好似食大蚬，会多上一只小碗让我哋放蚬壳，睇我哋差唔多食完主菜，会主动提早问问可以上甜品未，因为布朗尼即做需时。下次，可以带埋细佬妹嚟试，因为，佢哋都钟意食薄饼。
张贴
