影片
更多
2018-10-03
1027 浏览
从加拿大回港嘅老友，一向好喜欢行山，所以，今趟回港，当然为佢安排走一转啦，为佢安排入西贡行吓，一行3人，轻松行完再落将军澳食晏。揾食责任就当然落晌小弟身上，结果，走到过嚟将军澳中心嘅「Say Cheese 」，对呢区唔多熟，喺住晌呢头嘅食友口中嘅推介之一。门面开放式，黄框边，又插咗啲橙色波波，衬以花地砖，有种欢乐嘅感觉。而餐厅比晌门口望入去大，因为转弯仲有一边用餐区，4人枱以外，更有唔少卡位，整体环境整洁明亮。附近有多个大型楼盘，所以，食晏呢段时间大多数喺家庭客。餐枱上早已放齐餐具、餐碟、餐纸，我几钟意呢个做法，有时需要多用啲刀叉，唔使吓吓专登烦店员。此外，唔好睇少啲餐碟，如果拣得好，亦可以带出正能量。而枱上仲放有黑胡椒粒及海盐，睇标签喺嚟自意大利，更用上可即磨嘅玻璃樽装，细节位尽在心中。晌门口，设咗部爆谷车，喺免费供应，大可过吓口瘾啊！基本嘅散点餐牌分两组，一组喺较大型嘅折叠餐牌，分类有前菜、全日早餐、主菜、儿童餐、意大利面、沙律、汤品、饭品。设计精美，部份菜式有靓相作为参考。另一组为传统嘅揭页式餐牌，主要喺印有甜品及饮品，但选项喺估唔到咁多，单喺甜品已有多个系列：Movenpick
门面开放式，黄框边，又插咗啲橙色波波，衬以花地砖，有种欢乐嘅感觉。而餐厅比晌门口望入去大，因为转弯仲有一边用餐区，4人枱以外，更有唔少卡位，整体环境整洁明亮。附近有多个大型楼盘，所以，食晏呢段时间大多数喺家庭客。
餐枱上早已放齐餐具、餐碟、餐纸，我几钟意呢个做法，有时需要多用啲刀叉，唔使吓吓专登烦店员。此外，唔好睇少啲餐碟，如果拣得好，亦可以带出正能量。而枱上仲放有黑胡椒粒及海盐，睇标签喺嚟自意大利，更用上可即磨嘅玻璃樽装，细节位尽在心中。
晌门口，设咗部爆谷车，喺免费供应，大可过吓口瘾啊！
基本嘅散点餐牌分两组，一组喺较大型嘅折叠餐牌，分类有前菜、全日早餐、主菜、儿童餐、意大利面、沙律、汤品、饭品。设计精美，部份菜式有靓相作为参考。
另一组为传统嘅揭页式餐牌，主要喺印有甜品及饮品，但选项喺估唔到咁多，单喺甜品已有多个系列：Movenpick雪糕系列、窝夫山系列、窝夫系列、松饼系列、多士砖系列、心太软系列、木糠布丁系列、雪糕船系列、其他精选和雪山系列；而饮品方面，就有奶盖系列、特饮系列、花果茶系列、沙冰系列、朱古力、Movenpick咖啡，喺咪劲多选择呢！
赞好店家嘅脸书专页，食满$100就送番$10现金券，着数嘢无理由错过架。
而我哋嚟食晏就梗瞄准个「精选午市套餐」餐牌啦，由A到O共15款菜式，包含嘅款式都颇多元化，并已包是日餐汤或精选沙律及指定茶品，定价$62-$128 + 10%，更有精选追加，如饮品升级、加配甜品、加配Movenpic雪糕……等等。另一张就喺「午市甜品系列」，一共14款，并配饮品一杯，同样可加钱转主餐牌内任何饮品。
是日餐汤指定餐汤喺南瓜忌廉汤，睇色泽都几对办架，友人试过话几唔错，南瓜味都算几清甜浓郁，质感亦唔会水汪汪或太杰，喺好稳定嘅出品。
精选沙律沙律喺一般嘅田园沙律，沙律菜、车厘茄件点青瓜片，淋上黑醋，唔算好特别，但胜在用料新鲜，而且，细节位有用心，如青瓜片砌得好好哋，黑醋煮过，所以，酸香而厚身。
纽西兰肉眼扒8安士 $128（午餐）件扒足8安士，且睇落都唔细，一身烧得焦香，淋上烧汁，再伴上烤新薯及西兰花。其实卖相就比较平实，但纽西兰嘅肉眼一向都唔差，落刀𠮶吓亦感受到肉质𠮶份软腍，我哋要5乘熟，不过，切开睇睇就似乎过咗少少火位，有啲去到7剩熟嘅位，剩番嫩红嘅肉色就唔多，幸而入口都仲喺腍身，无话又韧又嚡，兼且富肉香。
蒜香榄汁虎虾意粉 $128（午餐）另一道主菜就拣款意粉，一客有3只大虎虾，泊埋一齐确然好大只，咬落虾味鲜，质感爽，食得出喺有质素嘅货色。至于个意粉，煮得啱啱好，柔韧有嚼劲，阵阵蒜香。
蒜香榄汁虎虾意粉
$128
10 浏览
0 赞好
0 留言
午餐中有一款「烟三文鱼卡邦尼意粉」，但店长推介我哋试吓散点嘅「火焰卡邦尼意粉」，话喺颇有特色。原喺，卖点喺烹煮嘅方法，究竟何谓「火焰」？原来喺近尾声，会倒出白酒，点火后再倒落原个意大利芝士上，以热力溶化出一层「新鲜」芝士，再加入已煮好嘅杂菌意粉跟芝士拌匀。
其实，跟平时食嘅卡邦尼意粉卖相分别唔大，但入口味道更浓郁；意粉同样煮得刚好，有咬口，而且，每条意粉都挂满酱汁，味道宁舍香浓重身，芝士味极之突出。
火焰卡邦尼意粉
$108
28 浏览
0 赞好
0 留言
拣一款甜点方便大家一齐「些牙」嘅，所以，就拣咗蜜糖多士砖，大家笃笃吓，方便分，又方便食。叫得特浓，仲要五重，自不然喺有啲期望，不过，虽然啲多士烤得脆口，亦好有蜜糖香，之但喺朱古力嘅卖点就显然未有施出魔法，只喺淋上少少朱古力浆，亳无澎湃感，
鲜果热情果奶盖 +$12其实小弟都曾经去过Say Cheese嘅奥海城店，不过，𠮶间店只有甜点及饮品，而我就钟情佢啲奶盖系列，所以，今回都喺拣番奶盖拼鲜果茶。清晰做出上下两层，面层嘅奶泡绵密丰厚，咸咸哋渗出芝士香；下层喺鲜热情果茶，清幽酸香；之后再搅匀细尝，似产生种化学反应咁，酸酸甜甜咸咸，有层次却又唔会好古怪。
鲜果热情果奶盖
14 浏览
0 赞好
0 留言
简单嚟讲，喺柠茶加入西柚嘅版本，友人话本身嘅柠茶底唔错，茶底幽香够浓，柠香清新，再加入新鲜西柚，大可以形容有画龙点晴之效，感觉清爽。
芒果乳酸沙冰 +12另一友人喺乱乳酸沙冰嘅支持者，始终行完山，喺想饮啲冰凉嘅冻饮。一身鲜黄嘅芒果沙冰，的确喺充满芒果香，绝无欺场，而混入乳酸成份，自不然多一层酸爽嘅味道；面层嘅鲜芒果粒粒够晒清甜，喺锦上添花而已。
芒果乳酸沙冰
9 浏览
0 赞好
0 留言
张贴
