影片
更多
2011-04-06
108 浏览
听闻红磡鸡蛋仔已久，但因为一直唔识路未有机会试下；今日食完晏返去的途中见到门口既吹气鸡蛋仔，突然好想食甜品，误打误撞竟然给撞进了红磡鸡蛋仔一店。红磡鸡蛋仔的店面不大，好容易走漏眼。宝其利街同大沽街既路口往入看有一个吹气的鸡蛋仔，𠮶度就系红磡鸡蛋仔啦！如果你想食有廿八年历史既正宗港式小食，咁就一定要去试下红磡鸡蛋仔。佢个menu比其他卖鸡蛋仔同格仔饼既舖头多选择。鸡蛋仔格仔饼有原味同朱古力味之外，另有原味加花生，加芝麻，朱古力味加芝麻，而格仔饼仲可以加肉松。不过，好吸引既系佢既班戟，有甜有咸，有得加杂果芒果香蕉粟米肉松花生等，所以有选择困难症的我完全陷入困境！不过，都系因为咁多左好多同老板倾计既时间，值得一提既系在这段时间伯伯完全冇停过手。老板原来系潮州人同太太开呢间舖，已经做左廿八年。可以做咁耐既原因，老板话系佢地用料好，面粉馅料佢地一直都只会用最好的，鸡蛋仔唔洗用风机吹都可以好脆。而且佢的粉浆系自己多年研究出来的比例，所以世界其他地方都唔会食到这个味道。喺老板的＂工作站＂前有一份日文写的menu，原来系一个日本游客喺食完这里的鸡蛋仔后帮老板翻译架，想比其他日本人都食到呢个港式味道。伯
佢个menu比其他卖鸡蛋仔同格仔饼既舖头多选择。鸡蛋仔格仔饼有原味同朱古力味之外，另有原味加花生，加芝麻，朱古力味加芝麻，而格仔饼仲可以加肉松。不过，好吸引既系佢既班戟，有甜有咸，有得加杂果芒果香蕉粟米肉松花生等，所以有选择困难症的我完全陷入困境！不过，都系因为咁多左好多同老板倾计既时间，值得一提既系在这段时间伯伯完全冇停过手。老板原来系潮州人同太太开呢间舖，已经做左廿八年。可以做咁耐既原因，老板话系佢地用料好，面粉馅料佢地一直都只会用最好的，鸡蛋仔唔洗用风机吹都可以好脆。而且佢的粉浆系自己多年研究出来的比例，所以世界其他地方都唔会食到这个味道。喺老板的＂工作站＂前有一份日文写的menu，原来系一个日本游客喺食完这里的鸡蛋仔后帮老板翻译架，想比其他日本人都食到呢个港式味道。伯伯真系好健谈，同生客熟客都会倾下计，好好笑既系伯伯同一位太太讲＂食完有咩意见既，我退番廿蚊比人＂太太回应＂系唔系我答好好食都有得退先？＂哈哈哈～不单是买完就走，店主食客会有交流，呢种就系食店的人情味。
倾左一阵，系时候要叫野食啦！本来想叫甜班戟，但当我请完甜班戟又未决定食杂果定芒果时，老板已经好快手咁整左个奶油甜班戟比我。咸班戟系白色的，甜既系黄色既。刚煎好的班戟要放一放，吹一吹风先好食；之后，搽上牛油花生酱同加一匙量的砂糖；再对折入袋，就食得啦！老板仲叫我地趁热食会脆啲。虽然看似简单，呢个甜班戟竟然有意外的惊喜！一咬表面系软的，心想都唔系你所讲咁脆啫；但随即发现，原来班戟中间的对折面十分脆，加上幼滑的花生酱，口感一流！外软内脆真系好好食！而味道方面，不算太甜，班戟有好香蛋味，好食！我还叫左一个蛋白花生肉松咸班戟同朱古力鸡蛋仔。蛋白花生肉松咸班戟－班戟底不是脆的，比较软，有点似面包的质地。但胜在馅料丰富，圆形的班戟包裹着满满的花生和肉松。几好食。朱古力鸡蛋仔没有用风机吹过，但依然好脆。只是轻力一下一颗完整的鸡蛋仔就在你的指间，唔会撕左几粒落黎。鸡蛋仔空气和粉浆的比例系一比一，所以入口外部香脆而内部柔软，外面亦唔会太硬而整到口腔上颚。朱古力味几浓。
等食既时候，老板同时整紧原味鸡蛋仔加花生比客，佢认真咁把花生倒入鸡蛋仔模中，令每一格都起码有一颗花生。这种一丝不苟为客人设想的态度真的十分令人敬佩！这个就系呢间舖在红磡区廿八年的原因。
张贴
