McCafe

营业中

休息中

哈哈哈，妈妈问食唔食m记栗子蛋糕，一个好字就有得食喇！仲要做外卖仔系佐敦买返黎。返到黎都差唔多成个钟，摆返入雪柜夜晚先食。原来麦当当有栗子蛋糕我都唔知，今次等一次食，妈妈买左蓝莓芝士饼同栗子蛋糕。嘻嘻有栗子蛋糕食好开心！听日先减肥啦！切左一半黎食先记得影横切面。其实前面系一层栗子蓉一层栗子忌廉一层清蛋糕再一层栗子忌廉再一层清蛋糕，哈哈哈，唔知自己讲紧咩。总之俾我食左个部分系有五层啦，再加多粒栗子。我唔客气喇，栗子蓉味道淡淡的，唔够东海堂咁浓，但还可接受。值得一赞系栗子忌廉个部分，平时我系唔食白色个啲忌廉，但呢个口感比普通忌廉结实，可以接受，同埋有小小栗子味唔错。粒栗子不过不失，当然无炒栗子个啲咁好味啦。成淡咬落去系感受到清蛋糕既软同香蛋味，会一淡一淡食哂都唔知，好味！个蓝莓芝士饼都系切左一半黎食先记得影个横切面，哈哈哈！蓝莓既部分并唔系好似其他饼店咁一大pat新鲜蓝莓果酱查系面有一粒粒蓝莓系度，而系得两行既部分有小小蓝莓酱，并没有一粒粒蓝莓系度。佢呢个蓝莓果酱有啲怪，同个芝士饼唔系好夹同埋太甜，画蛇添足，下次都系食返芝士饼算。