丸十あぶり牧場 (已結業)

约咗朋友食饭𠮶晚至要OT是常识吧。两条友食饭一个迟大到另一个系好惨。明明订枱时讲咗迟到唔hold枱，而且同时餐厅有用餐时间限制，朋友都谂咗阵入唔入先好。迟到嘅我话咁你等埋我先啰，因为食烧肉赶食都无瘾。点知朋友转头打嚟话店员俾佢入座先，等埋我至开始计用餐时间。太感动。叫咗个海鲜盛合（个名好似唔系咁叫，但打开餐牌你会知我讲边个），一份牛小排，一份横隔膜。嚟得都几快。而且我地坐餐厅角落都无被冷落嘅感觉，落单之类都好快。海鲜好新鲜，牛肉好有肉味又稔身。横隔膜肉味重啲，牛小排油份香啲，两款都好食。海鲜之中最中意系个鳝，另外扇贝同鲍鱼都好食。最后仲加咗单补咗份吉列和牛汉堡同明太子玉子烧。可能食紧烧肉比较浓味，觉得汉堡有啲淡口。玉子烧就都系好味嘅，超浓郁蛋香加惹味明太子，仲好有饱腹感～最后其实系想赞待应哥哥好细心，特登走嚟提我哋座位侧边有一级，佢梗系一眼睇穿我地都系论尽鬼🤡整体service好好，食物又好，坐得又舒服。其实今次第二次来啦，上次食生嘢，今次食烧。个人觉得两样都好，但烧再impress啲！